ახლო წარსულში პოპულარული ბრიტანელი ფეხბურთელი დევიდ ბექჰემი ჩინებული დალაქი გახლავთ. ერთ დღეს დევიდი ხორხე ლოპესის პოპულარულ შოუში მიიწვიეს და სხვა რამეებთან ერთად, წამყვანმა ისიც ჰკითხა, ვარცხნილობას ხშირად რატომ იცვლიო.
– დედაჩემი სტილისტი იყო და მისგან ბევრი რამ ვისწავლე. ჩემზე მუდმივად ატარებდა ექსპერიმენტებს და ბავშვობაშიც სხვადასხვა ვარცხნილობა მქონდა. ახლა კი, როცა ცუდ ხასიათზე ვიღვიძებ, მინდა, საკუთარ გარეგნობაში რამე შევცვალო და თმას, ძირითადად, ჩემით ვიჭრი ხოლმე, _ განაცხადა ბექჰემმა.
ხორხემ არ დაუჯერა და უთხრა, თუ ასეთი მაგარი ხარ, მაშინ თმა მეც შემჭერიო. დევიდმაც მაკრატელი მოიმარჯვა და ერთი საათის განმავლობაში წამყვანის თავს დასტრიალებდა. შედეგად, ყველა დარწმუნდა, რომ ბექჰემს თავის რჩენა პარიკმახერობითაც შეუძლია, რამეთუ ლოპესს თმა პროფესიულ დონეზე შეაჭრა.
