ისრაელში ქალაქ ჰაიფას მეცნირებისა და ტექნიკის ნაციონალურ მუზეუმში რობოტების ზოოპარკი (The Robot Zoo) მდებარეობს. აქ წარმოდგენილ ყველა რობოტს მოძრაობის და ცხოველებისთვის დამახასიათებელი ხმის გამოცემის უნარი აქვს.
დაწესებულების სტუმრებს აკვარიუმში მოცურავე მექანიკური ბაყაყების, ტროპიკული თევზების, მოლუსკების და ზღვის სხვა ბინადართა ხილვა შეუძლიათ. ზოგიერთი რობოტი-ცხოველი ადამიანის მოძრაობაზე რეაგირებს. მაგალითად, ბუზი შეხებისთანავე აფრინდება. ზოოპარკის ბინადარ რობოტ ქამელეონებს კი, ფერის შეცვლა რეალურის მსგავსად შეუძლიათ.
რობოტი-ცხოველები დიდი ზომისები არიან. აქ ჟირაფის, ღამურას, მარტორქას, ნემსიყლაპიას და ცხოველთა სამყაროს სხვა წარმომადგენელთა ექსპონატებია განთავსებული. მნახველებს შეუძლიათ არამარტო დააკვირდნენ ცხოველებს, არამედ – დისტანციური პულტით მართონ ისინი.
