აჩქარებული პულსი ჯანმრთელობას საშიშროებას უქმნის

დანიელი მკვლევარების თქმით, ადამიანის გულისცემის აჩქარებამ სიკვდილის საშიშროება სამჯერ შეიძლება გაზარდოს.

მათი აზრით, იმ შემთხვევაშიც თუ ადამიანი კარგ სპორტულ ფორმაშია და ჯამრთელია, ფიზიკური დატვირთვის გარეშე გულისცემის აჩქარება სიკვდილის საშიშროებას ქმნის.

ცნობილია, რომ მიღებული გულის ცემის პულსი წუთში 60-100 დარტყმას გულისხმობს, თუმცა დანიელი მკვლევარები აცხადებენ, რომ თუ ადამიანის გულისცემა ჩვეულებრივ რეჟიმში 51-დან 80-მდე მერყეობს, მაშინ ნაადრევი სიკვდილის საშიშროება 40-50%-ით იზრდება.

პულსის 81-90-იანი მაჩვენებლის შემთხვევაში ნაადრევი სიკვდილის რისკი ორჯერ იზრდება, ხოლო თუ გულის რითმი წუთში 90 დარტყმას სცდება, სიკვდილის საშიშროება სამჯერ იზრდება.