კატალონიის "ბარსელონას" და ბრაზილიის ნაკრების ლეგენდარული ფეხბურთელი, რონალდინიო კარიერას "შაპეკოენსეში" გააგრძელებს.
რამდენიმე კვირის წინ რონალდინიომ კარიერის დასრულების შესახებ გამოაცხადა, თუმცა უდიდესი ტრაგედიას შემდეგ, რომელიც ბრაზილიურ გუნდს შეემთხვა, გაუჩომ გადაწყვიტა კლუბს ამ ხერხით დახმარებოდა და ამიერიდან გარკვეული დროით "შაპეკოენსესთვის" გაირჯება.
ამავდროულად, მსოფლიოს საუკეთესო მოთამაშეებმა, არგენტინელმა ლეო მესიმ (5 მილიონი) და პორტუგალიელმა კრიშტიანო რონალდომ (3 მილიონი) 8 მილიონი ევრო გადარიცხეს გუნდის ანგარიშზე. "პსჟ"-ს მფლობელებმა 40 მილიონი ევრო გაიღეს.
საფეხბურთო კლუბი "გრემიოც" გამოვიდა ინიციატივით, რომ ბრაზილიურმა კლუბებმა ფეხბურთელები დაუთმოს "შაპეკოენსეს", რათა მან ჩემპიონატის დასრულება მოახერხოს.
შეგახსენებთ, რომ 29 ნოემბერს კოლუმბიაში, მედელინის სიახლოვეს ავიაკატასტროფა განიცადა თვითმფრინავმა, რომლის ბორტზე 72 მგზავრი იყო. მგზავრთა შორის იყვნენ ბრაზილიური სერია A-ს კლუბ "შაპეკოენსეს" ფეხბურთელები. გუნდი კოპა სუდამერიკანას ფინალის სათამაშოდ მიფრინავდა კოლუმბიაში "ატლეტიკო ნასიონალის" წინააღმდეგ.
ცნობილია, რომ კატასტროფას 75 ადამიანი შეეწირა. თავიდანვე ცნობილი იყო მგზავრების სია (გარდა ფეხბურთელებისა, ეკიპაჟის 9 წევრისა). თვითმფრინავში იყვნენ კლუბის ხელმძღვანელები, სამწვრთნელო შტაბის წევრები, ჟურნალისტები, მიწვეული პირები.
