“პრესის თავისუფლება და ბრალდებულის უფლება ერთდროულად უნდა დაბალანსდეს…”

დევიდ კარტერის თქმით, ნაფიც მსაჯულთა ინსტიტუტის შემოღება ეს არის საქართველოს მთავრობის გადაწყვეტილება.

_ იცით, რომ ის არის შემოღებული უკვე თბილისში, ოქტომბერში შემოღებული იქნება ქუთაისში და შემდეგ მთელ ქვეყანაში ამუშავდება. საერთოდ, ნაფიც მსაჯულთა სასამართლო ნიშნავს დემოკრატიას. იმიტომ, რომ ეს ეხება ხალხის ჩართულობას ამ პროცესებში.. რაც უფრო მეტი იქნება საზოგადოების ჩართულობა, რაც უფრო მაღალი ხარისხით ჩავერთვებით, მით უფრო მაღალი და ძლიერი იქნება დემოკრატია.

ლარი უელბორნმა ჟურნალისტებთან საუბრისას განაცხადა: _ ჩვენ ბევრი შეცდომა დაგვიშვია და ამ შეცდომებზე ვისწავლეთ. ამერიკაში ძალიან ძლიერია უკვე დემოკრატია. საზოგადოება დიდი ინტერესით ერთვება ამ პროცესებში. პრესის თავისუფლება და ბრალდებულის უფლება ერთდროულად უნდა დაბალანსდეს.

“გურია ნიუსი” _ რამდენად დაბალანსებულად აშუქებს ნაფიცი მსაჯულების სასამართლოს პროცესებს მედიის წარმომადგენლები?

ლარი უელბორნი: _ მე, როგორც ჟურნალისტი, ვცხოვრობ მუდმივი შიშის ქვეშ, რამე არასწორად არ გავაშუქო, იმიტომ, რომ იმდენად დიდია ჩვენი ჟურნალისტების ზეგავლენა, ის ფაქტი თუ როგორ ვაშუქებთ ჩვენ ამ მოვლენებს, ძალიან დიდი ეფექტის მქონეა საზოგადოებისთვის, ამიტომ ყოველთვის უნდა ვითვალისწინებდეთ, რამდენად საშიშია არასწორად გაშუქება. ჩვენ ყოველთვის უნდა ვცდილობდეთ, რომ ვიყოთ დაბალანსებულები.

“გურია ნიუსი”: _ რამდენად მნიშვნელოვანია მედიის როლი ნაფიცი მსჯულების პროცესების გაშუქებისას,?

ლარი უელბორნი : მედიის როლი არის ძალიან მნიშვნელოვანი. 3 000 000 მილიონი ადამიანი, საქართველოში, სასამართლო პროცესზე ვერ წავა. სწორედ ჩვენ ვართ ის ადამიანები, ვინც ინფორმაცია უნდა მიუტანოს ხალხს.

დევიდ კარტერი: მე, როგორც მოსამართლეს, შემიძლია მოგახსენოთ, რომ მნიშვნელოვანია სასამართლოს პროცესების გაშუქება ჟურნალისტების მხრიდან. ჩვენთვის მნიშვნელოვანია ზუსტად გაშუქდეს პროცესი და ზუსტი ინფორმაცია მიიღოს ხალხმა, ასევე მნიშვნელოვანია გამჭირვალობა სასამართლოსი, საზოგადოების ნდობა მართლმსაჯულების მიმართ. თუ დავხურავთ სასამართლო პროცესებს, ხალხი იფიქრებს, რომ მართლმსაჯულება სამართლიანი არ არის.