ახალი სეზონისათვის მზადება საფეხბურთო კლუბებმა უკვე დაიწყეს. ჯერჯერობით, მათ რიცხვში არ არიან გურული გუნდები, თუმცა, ჩვენი ინფორმაციით, ისინი მზადებას მალე დაიწყებენ. “გურიასა” და “მერცხალს” სეზონი 22 თებერვალს ეწყებათ. რამდენიმე ჩვენებური მობურთალი ამჟამად უგუნდოდაა და დღეს ყურადღებას სწორედ მათზე შევაჩერებთ.
ნამდვილად არ ხუმრობს მერაბ ჟორდანია _ ჰოლანდიური “ვიტესის” გურული ფესვების მქონე მეპატრონე აცხადებს, რომ კლუბის “ბარსას” მოდელთან მიმსგავსება სურს. დაგვეთანხმებით, ეს ნამდვილად სერიოზული განაცხადია, თუმცა, ჯერჯერობით, “ვიტესი” არ ტოვებს წარ-მატებულის შთაბეჭდილებას. ამასთან, არ დაგვავიწყდეს, რომ ჟორდანიამ კლუბის ევროდონეზე მისაყვანად 3 წელი ითხოვა. მან უკვე ღი-ად აღიარა, რომ ლონდონის “ჩელსისთან” მჭიდროდ თანამშრომლობს, რაც კიდევ უფრო ადასტურებს ეჭვებს, რომ ქართველის უკან რუსი მილიარდერი აბრამოვიჩი და მისი ფული დგას. სასიხარულოა, რომ ჟორდანიას ინტერესებში გურული ვაკო ყაზაიშვილიც მოხვდა. “ვი-ტესში” მის გარდა კიდევ 7 ქართველი ისინჯება.
როგორც სპორტული მედია იუწყება, თურქულ შეკრებაზე არნემის “ვიტესში” რვა ქართველი ემზადება: გურამ კაშია და გიორგი ჭანტუ-რია (რომლებიც აქამდეც ირიცხებოდნენ კლუბში) მთავარ გუნდში ვარჯიშობენ, “საბურთალოს” და 19-წლამდელთა ნაკრების წევრები _ მცველი დავით ხოჭოლავა, ვაკო ყაზაიშვილი, აგრეთვე საფეხბურთო, სკოლა “ოლიმპის” ოთხი მოთამაშე (რომელთა ასაკიც 15 წელს არ აღემატება) არნემული კლუბის დუბლშემადგენლობაში ვარჯიშობენ. ყაზაიშვილმა და ხოჭოლავამ “ვიტესი 2”-ში საკონტროლო შეხვედრა ჩაატარეს. არნემელებმა მეიჯორ ლიგის ერთ-ერთ კლუბთან ითამაშეს და 3:0 გაიმარჯვეს, ყაზაიშვილი და ხოჭოლავა კი ჰოლანდიურ კლუბს თითო გოლით შეეწივნენ.
_ ჩემთვის იდეალური “ბარსელონას” მოდელია, რომელიც ძირითად გუნდში საკუთარ აღსაზრდელებს აწინაურებს. მინდა, რომ “ვიტეს-შიც” ასე ავაწყოთ მუშაობა და ბევრ ჰოლანდიელ ახალგაზრდას გავუკაფოთ გზა. უცხოეთიდან ფეხბურთელების მოწვევაზე მეტად ის გა-მახარებს, როცა “ვიტესის” აღზრდილები მოიპოვებენ წარმატებას, ჴ თქვა “ვიტესის” ქართველმა პრეზიდენტმა, მერაბ ჟორდანიამ კლუბის ოფიციალურ საიტთან საუბარში.
_ ჩვენ ბევრი რამ გავაკეთეთ ბოლო ხუთ თვეში. ძნელია, ეს დაანახო ოპონენტებს, რადგან კარგი შედეგი არ გვაქვს. გარწმუნებთ, კიდევ ბევრი რამ იცვლება სასიკეთოდ და მალე ყველა დაინახავს Мვიტესის” პროგრესს. კლუბის აშენებას დრო სჭირდება.
ჟორდანიამ ხაზი გაუსვა Мვიტესის” ფეხბურთელთა საშუალო ასაკს და მათ პერსპექტიულობას: _ გუნდში ფეხბურთელთა უმეტესობა 18-დან 21 წლამდე ასაკისაა. ისინი მზარდი მოთამაშეები არიან და ვფიქრობ, ორ-სამ წელიწადში დადგება ის დრო, როცა ჰოლანდიის ჩემპიო-ნობისთვის ვიბრძოლებთ. ჩვენს მომავალზე გათვლილ პროექტში ქართველებიც ფიგურირებენ. ლონდონის “ჩელსისთან” მჭიდრო კონტაქ-ტი მნიშვნელოვანი მხარეა, რათა კლუბმა ძლიერი ფეხბურთელები მოიძიოს, _ დასძენს ქართველი ფეხბურთის მოხელე.
ქართული სპორტული მედია სხვა გურული მობურთალის შესახებაც ავრცელებენ ინფორმაციას: საქართველოს ნაკრების მცველ დავით კვირკველიასთვის გასული სეზონი წარუმატებელი გამოდგა _ მახაჩყალის “ანჟიში” იჯარით წასულმა რუსეთის პრემიერლიგაში პირველი წრე ითამაშა, მაგრამ ყაზანის “რუბინში” დაბრუნებულს თავის გამოჩენის შანსი ერთხელაც არ მისცეს. ცხადია, 30 წლის ქართველმა მცველ-მა კლუბის დატოვება გადაწყვიტა. შევიტყვეთ, რომ დათოს საინტერესო წინადადებით უკვე მიმართეს _ კვირკველიას საბერძნეთის ერთ-ერთ უძველეს კლუბში, სუპერლიგის “პანიონიოსში” იწვევენ. გემახსოვრებათ, თბილისის “დინამო” ამ კლუბს უეფას თასის ჯგუფურ ეტაპ-ზე შეხვდა და 2:5 დამარცხდა. ამ მატჩში კვირკველიაც მონაწილეობდა. კლუბი 18 ტურის შემდეგ საბერძნეთის სუპერლიგაში მე-14 ად-გილზეა და ბოლოადგილოსან “ლარისას” მხოლოდ ხუთი ქულით უსწრებს.
_ ახლა კონტრაქტზე მიდის საუბარი. უახლოეს დღეებში გადაწყდება, გადავალ თუ არა “პანიონიოსში”. ბერძნები აქტიურობენ და ამ ეტაპ-ზე რაღა აზრი აქვს რუსულ კლუბებზე ლაპარაკს? _ ამბობს ჩვენებური, რომელსაც რუსული ვარიანტებიც ჰქონდა.
ორიოდე დღის წინ “ლელო” “ლუგანსკი ფუტბოლზე” დაყრდნობით წერდა, რომ ლუგანსკის “ზარიაში” ორ უცნობ ახალგაზრდა ქარ-თველს აკვირდებოდნენ _ დავით კუბლაშვილსა და ირაკლი კილაძეს. ამ უკანასკნელის თაობაზე არაფერი იყო ცნობილი. ჩვენ დავინტე-რესდით და აღმოჩნდა, რომ ის არის ერეკლე კილაძე და არა ირაკლი, ფინეთში მოთამაშე ნიკა კილაძის ძმა: _ ერეკლე 20 წლისაა და “ნორჩ დინამოში” თამაზ სამხარაძესთან ვარჯიშობდა. უთამაშია თბილისის “დინამოსა” და “გაგრას” დუბლებში. ცოტა ხანს იყო ცხინვალის “სპარტაკი 2”-შიც იყო. ერეკლე ახლა მართლა ლუგანსკში იმყოფება, მაგრამ “ზარიაში” არ ისინჯება. ელოდება ვარიანტებს, ჯერ კი კონ-კრეტული წინადადება არ მიუღია, _ ამბობს ნიკა კილაძე.
თავად ნიკა 22 წლის მცველია. გასულ სეზონში ფინეთის მეორე დივიზიონის “კაჯაანინ ჰაკაში” სხვა გურულებთან ერთად (ნიკა სამსონია, ლევან ჩხაიძე _ “გურიის” ლეგენდარული კაპიტნის ვაჟი) თამაშობდა, 2010 წლის იანვარში კი ოთარ გაბელიამ საქართველოს ახალგაზ-რდულ ნაკრებში თურქულ შეკრებაზე ათამაშა. ნიკა მალე კვლავ ფინეთში გაემგზავრება, მაგრამ სხვა კლუბში ითამაშებს; _ მე ირაკლი სირბილაძის კლუბში გადავდივარ, რომელიც პირველი ლიგაში გამოდის. კონტრაქტის პირობებზე შევთანხმდით, ორშაბათს ან ოთხშა-ბათს ფინეთში ჩავალ და ხელშეკრულებას, _ დასძენს კილაძე. ცნობისთვის, ნიკა და ერეკლე კილაძეების მამა “გურიის” ყოფილი მობურთა-ლი გია კილაძე გახლავთ.
დასასრულ ბოლო ინფორმაციაც: დღეიდან საქართველოს 17-წლამდელთა ნაკრები 20 იანვრიდან 2 თებერვლამდე ურეკში გაივლის შეკ-რებას. კობა ჟორჟიკაშვილის გუნდმა ვარჯიში 3 იანვარს, თბილისში, ეროვნულ სტადიონზე დაიწყო. თბილისში 30 ფეხბურთელი ემზადე-ბოდა, ურეკში კი ჟორჟიკაშვილი 24-ს წაიყვანს. საქართველოს ფეხბურთის ფედერაციის ოფიციალური ვებ-გვერდის ცნობით, გუნდის საუ-რეკო სია ასეთია: გაბრიელ თებიძე (“ოლიმპი”, თბილისი), ბაჩო მიქავა (“ოლიმპი”, თბილისი), ნიკა სანდოხაძე (ОდინამოМ თბილისი), კონსტანტინე ღაღანიძე (ОოლიმპიკიМ თბილისი), ლაშა კვარაცხელია (ОლოკომოტივიМ, თბილისი), გიორგი ფანცულაია (“ოლიმპი”, თბილისი), გურამ სამუშია (“ბაია”, ზუგდიდი), ცოტნე სამუშია (“ბაია”, ზუგდიდი), ავთო ენდელაძე (“ბაია”, ზუგდიდი), თემურ მარკოზაშ-ვილი (“მერანი”, თბილისი), ნიკა კაჭარავა (“დინამოს აკადემია”), გიორგი სარჯველაძე (35-ე საფეხბურთო სკოლა), დაჩი ცნობილაძე (“ო-ლიმპი”, რუსთავი), ნიკა დიასამიძე (“ბათუმი”), შოთა ბიწკინაშვილი (“ოლიმპი”, რუსთავი), სულხან კახიძე (“ქობულეთი”), გიორგი ბერია (“მერანი”, მარტვილი), დავით მთივლიშვილი (35-ე საფეხბურთო სკოლა), სანდრო ჭიღვარია (35-ე საფეხბურთო სკოლა), გოგი გოგიჩაიშ-ვილი (“ტორპედო”, ქუთაისი), ცოტნე მონიავა (“მერანი”, მარტვილი), ზურაბ ღირდალაძე (“ზესტაფონი”), შალვა ექვთიმიშვილი (35-ე სა-ფეხბურთო სკოლა), ბუდუ ზივზივაძე (35-ე საფეხბურთო სკოლა).
ურეკში ჟორჟიკაშვილის გუნდი ტესტ-მატჩებს გამართავს პირველლიგელ გუნდებთან. სავარაუდოდ, მისი მეტოქეები “გურია” და “მერცხალიც” იქნებიან.
