საახალწლო გათამაშება დაიწყო _ რას სთხოვენ სოციალურად დაუცველი ბავშვები თოვლის ბაბუას

• გამარჯობა, ჩემო საყვარელო თოვლის ბაბუა, როგორ ხარ? მე ბარბარე ჯინჭარაძე ვარ. მამაჩემს თამაზი ერქვა. 4 წელია, ჩვენთან აღარ ცხოვრობს. დედა მეუბნება, ღმერთმა წაიყვანაო. მე გუთურში ვცხოვრობ და მეორე კლასში ვსწავლობ, ძმაც მყავს. დედა მისრულებს ხოლმე საახალწლო სურვილებს. დიდი ხანია, პლანშეტზე ვოცნებობ, დედამ კი ვერ მიყიდა და ამიტომ გადავწყვიტე შენთვის მომეწერა. მჯერა, რომ ჩემი თოვლის ბაბუა ამისრულებს ამ სურვილს.                         

  შენი ბარბარე

• გამარჯობა, თოვლის ბაბუა, როგორ ბრძანდებით? გილოცავთ შობა-ახალ წელს, გისურვებთ ჯანმრთელობას. მე ვარ გიული მარკოიძე, მე მყავს ორი და და ერთი ძმა. სულ ვართ 4 დედმამიშვილი ვართ  (11 წლის, 10 წლის, 7 წლის, და 3 წლის). ჩვენ სოციალურად დაუცველები ვართ.  მშობლები უმუშევრები არიან. ტელეფონები გვინდა და ძალიან, ძალიან გაგვახარებთ, თუ დაგვასაჩუქრებთ.

• გამარჯობა, თოვლის ბაბუა. მე ნია ვარ, 4 წლის, ჩოხატაურიდან. ძალიან მიყვარს ახალი წელი და მოუთმენლად ველოდები ჩემს თოვლის ბაბუას. მე სიარული არ შემიძლია  და  მოკლებულივარ ვარ ბავშვებთან  გართობას, სიარულს, გუნდაობას. ჩემი ერთადერთი გასართობი ინტერნეტია. ძალიან ძალიან მინდა, მქონდეს პლანშეტი. იმედით გელოდებით.

                              პატარა ნია თ.

• ვართ და-ძმა, მე _ გიორგი და ნინიკო, მე 8 წლის ვარ, ნინიკო _ 5 წლის.  გთხოვთ, მომიტანოთ ტკბილეული.  ნაძვის ხის სათამაშოები და ჩემს პატარა დაიკოს მოლაპარაკე თოჯინა.

გიორგი შარაშენიძე.

• ჩემო ძვირფასო თოვლის ბაბუა, მე ვარ ანა ბერაძე. ვცხოვრობ ჩოხატაურის სოფელ გუთურში. მინდა მქონდეს პლანშეტი, მაგრამ საშუალება არ მაქვს და გამიხარდება თუ ამისრულებთ ჩემს სურვილს.

• გამარჯობა თოვლის ბაბუა. მე ვარ ანასტასია კახას ასული რამიშვილი. ვცხოვრობ ჩოხატაურის რაიონ სოფელ  ქვემო ერკეთში. თოვლის ბაბუა, ძალიან გთხოვ, მომიტანე პლანშეტი.

• გამარჯობა, თოვლის ბაბუა. მე ვარ ნინო კახას ასული რამიშვილი. ვცხოვრობ ჩოხატაურის რაიონის სოფელ ქვემო ერკეთში. თოვლის ბაბუ, გთხოვ,  მომიტანო ტელეფონი.

• გამარჯობა, თოვლის ბაბუ. მე ვარ  თამარ კახას ასული  რამიშვილი. ვცხოვრობ ჩოხატაურის სოფელ ქვემო ერკეთში. თოვლის ბაბუ, ძალიან გთხოვთ, მომიტანოთ თოჯინა და სათამაშო სახლი.

• გამარჯობა, თოვლის ბაბუა, როგორ ხარ? მე არა მიშავს, რა. საახალწლოდ  ძალიან მინდა  ტელეფონი, ეიჩთისის სმარტფონი.

ტატო გიორგაძე

• ძვირფასო თოვლის ბაბუა. მე მქვია ნატალი, 8 წლის. ვარ მრავალშვილიანი ოჯახიდან, ვსწავლობ ჩაისუბნის საჯარო სკოლის მე-3 კლასში, ვართ 10 მოსწავლე, ძალიან მიყვარს ახალი წლის დადგომა, რადგან ყოველ ახალწელს თქვენ ჩემთვის საჩუქრები მოგაქვთ. წელს ძალიან მინდა,   რომ დივიდი მომიტანოთ. შარშან რაც გთხოვეთ, ხომ მომიტანეთ, წელსაც თქვენი დიდი იმედი მაქვს  და მადლობელი ვიქნები.

• მე ვარ  #1 საჯარო სკოლის მე-4 ბ კლასის წარჩნებული მოსწავლე  ლუკა ძნელაძე. არ ვარ სოციალურად დაუცველი, მაგრამ მაინც გადავწყვიტე მომეწერა, რადგან ჩემმა მშობლებმა ვერ შეძლეს ჩემთვის პლანშეტის ყიდვა, რომელიც ძალიან მინდა. თოვლის ბაბუას ვთხოვ გაითვალისწინოს ჩემი თხოვნა, თუ შესაძლებელი  იქნება  და გამილამაზოს ახალი წელი.

• გამარჯობ, თოვლის ბაბუა! მე ვარ საბა მუმლაძე, 9 წლის. ვცხოვრობ ოზურგეთში,  სიორიძის ქუჩაზე #22, ბინა 17-ში, ქირით, ბებოსთან და ძმასთან ერთად. ბებოს მეგობარმა გვათხოვა ტელევიზორი, რომელიც მალე უნდა დავუბუნოთ. მე მინდა მქონდეს ტელევიზორი.

• გამარჯობა, თოვლის ბაბუა! ჩვენ ხუთი და-ძმა ვართ, კაპანაძეები. მე გიორგი ვარ, უფროსი, 12 წლის. ძალიან მინდა მე და ჩემს და-ძმებს ისეთი ბოტები გვქონდეს, რომ ამ ზამთარში ფეხები არ დაგვისველდეს თოვლსა და წვიმაში, რაც ძალიან ხშირად ხდება. კანფეტებიც კი გვინდა, თუ არ შეწუხდებით.

• თოვლის ბაბუა! მე მინდა ტელევიზორი. კი გვაქვს, მაგრამ ეკრანი უკვე ფერებს არ აჩვენებს და მამა ამბობს, "დაჯდაო". 

ფიქრია ცინარიძე, 9 წლის

• მე ვარ ნუგზარ რამიშვილი. 11 წლის. ვცხოვრობ ჩაისუბანში. ძალიან მინდა, მქონდეს ტელეფონი, რადგან მიყვარს თამაშები. ასევე, მინდა ბევრი შოკოლადი. იმედი მაქვს, ახალი წლის ღამეს ეს სურვილი ამიხდება. გისურვებთ ბედნიერ შობა-ახალ წელს!

• გთხოვთ, ამისრულოთ ორი სურვილი _ მაპოვნინოთ დედა _ მადლენა ამირანის ასული მჟავია. ვთხოვ, დამენახოს თუნდაც ერთხელ. მისი სახის დანახვაც ძალიან გამახარებს. ნუ გონია მივატოვებ გამზრდელ ბებიას და ბაბუას. ასევე,  თუ შეგიძლიათ შემიძნეთ პლანშეტი. ეს ჩემი მეორე ოცნებაა. ხშრად მესიზმრება ორივე.

მარიამ სიხარულიძე, ჩოხატაური, სოფელი ბუკისციხე

• თოვლის ბაბუა! მე ვარ ანანო ჟღენტი, ვარ 7 წლის. ძალიან მინდა მქონდეს ტელეფონი. გთხოვ,  შემოსრულო ოცნება, ძალიან გამახარებ. მიყვარხარ!

ანანო ჟღენტი, ჩოხატაური,სოფელი გუთური