“გურია ნიუსი” კოლხეთის ეროვნული პარკის ტერიტორიაზე ქალაქის გაშენების საკითხთან დაკავშირებით “მწვანეთა პარტიას” გენერალურ მდივანს გიორგი გაჩეჩლაძეს ესაუბრა.
_ ბატონო გიორგი, ხელისუფლება ახალი ქალაქის ლაზიკას მშენებლობაზე საუბრობს, მაშინ როცა რამდენიმე მეტრში არის ქალაქი ფოთი, რომელსაც რამდენიმე წელიწადში სერიოზული პრობლემა შეექმნება. ფოთში შესასველელი ხიდი, რომელიც წყალსაცავის ფუნქციასაც ასრულებს, ნელნელა ჯდება.
_ ნადვილად. ბურჯი, რომელიც წყალსაცავს ჰყოფს, სერიოზული და კატასტროფული სიტუაციის წინაშე დგას. როგორც კი მას გამოეცლება ძირი, ფოთი აღმოჩნდება წყალში და დაიტბორება.
_ რამდენად რელურია ლაზიკას აშენება ჭაობიან ადგილზე?
_ ათას სისულელეს იტყვიან იმისთვის რომ ეს სიგიჟე გაამართლონ. სხვათაშორის, პირველი პრეცენდენტია დედმიწის ზურგზე, კონსტიტუციაშიც კი შეიტანეს ცვლილება. რაც კონსტიტუციის აბუჩად აგდებაა.
ქალაქის მშენებლობა რომლის ნახაზიც კი არ არის და ვიღაცის წარმოსაახვით ავადმყოფურ გონებაშია, იმის კონსტიტუციაში ჩაწერა, ცოტა არანორმალური ამბავია.
როდესაც საქართველოში არის ქალაქები რომელიც ინგრევა, მართალს ბრძანებთ ფოთთან დაკავშირებით, მაგრამ მე ბათუმიდან დავიწყებ.
ბათუმის სანაპირო ზოლი რომ გაკეთდა, საზოგადოების თვალის ასახვევად, ამაში მილიონები ჩაიყარა. შიგნით უნდა შეხვიდეთ ბათუმში, კატასტროფიული სიტუაციაა. სად ცხოვრობს ხალხი, რა პირობებში. თუ ვინმეს ისეთი გარემოს შექმნა უნდა, რომ ტურიზმი განვითარდეს, არსებული ქალაქების რებილიტაციით უნდა დავიწყოთ მშენებლობა.
მე თბილისზე არაფერს ვიტყვი. ნახეთ რა ხდება, კატასტროფაა! ადამიანები სახლში ვერ შედიან, არ იციან ცოცხლები გამოვლენ თუ არა. ასეთი მდგომარეობაა ჩუღურეთის რაიონში, სადაც 50 000 კაცი ცხოვრობს.
რაც შეეხება ფოთს, იგი უნიკალურია თავის მდებარეობით. ტყუილად კი არ იყო ფოთი შერჩეული…
_ რამდენიმე წლის წინ, ხელისუფლება საუბრობდა ფოთის განვითარებაზე და ინვესტიციის ჩადებაზეც, მაგრამ მერე შეჩერდა ფოთის განვითარებაზე საუბარი და ლაზიკაზე გადავიდა…
_ საქმე ის გახლავთ, რომ ფოთის განვითარებისთვის მოიგონეს კიდევ ერთი ფიარ აქცია. ფოთი გამოაცხადეს თავისუფალ ეკონომიკურ ზონად. სხვათაშორის, ამ თვალსაზრისით, შეიძლება ფოთზე გაბრაზებულები არიან. მიუხედავად იმისა, რომ თავისუფალ ეკონომიკურ ზონად გამოაცხადეს, ერთი საწარმო არ შეიქმნა და ინვესტიცია არ ჩაიდო. ამით მიხვდენენ, რომ სანამ თვითონ იქნებიან ხელისუფლებაში გინდა თავისუფალი ზონა გამოაცხადე, გინდა ის… კაციშვილი ინვესტიციას არ ჩადებს. ეს, პოლიტიკური ინვესტიციებია, ეკონომიკა არაფერ შუაშია. მიუხედავდ იმისა, რომ ფოთში არის მოქმედი პორტი, რომელსაც აშენება არ უნდა, ოთხი თუ ხუთი წელია, არავინ შევიდა ინვესტიციის განსახორციელებლად.
ადრე განვაცხადე, თეორიულად თუ შესაძლებელია ლაზიკას გაშენება, ეს იქნება ჩინური პროექტი. ერთადერთი, ვინც შეიძლება დაინტერესებული იყოს იმით, რომ საქართველოს შავიზღვისპირეთი აივსოს, აქვს ჭარბი ფული და ჰყავს ჭარბი მოსახლეობა, ჩინეთია.
მე მაქვს უცნაური ინფორმაცია, იცით რომ “ბაზის ბანკი” ჩინელებმა იყიდეს?! “ბაზის ბანკის” 90% ჩინელებმა შეიძინეს, ეს უკვე მიანიშნებს იმას, რომ აქ გაჩნდა ფინანსური ცენტრი, რომლის საშუალებით შესაძლებელია, განხორციელდეს პროექტი ჩინელების ჩამოსასახლებლად შავიზღვისპირეთში.
დარწმუნებული ვარ, ჩინელებთან გარიგება არ დაირღვევა პერსპექტივაში. რა ინტერესი უნდა იყოს ჩინელებისგან საქართველოში ბანკის ყიდვა?!
_ საუბრობენ იმაზე, რომ ლაზიკაში მესხების ჩამოსახლება იგეგმება.
_ ეს სისულელეა. თურქი მესხების ჩამოსახლების მსურველთა რაოდენობა ამდენი არ არის. ათას სულელურ რაღაცას მოიგონებენ იმისთვის, რომ ის ძირითადი ჩრდილოვანი რუსული ხაზი, რომელსაც ფარულად ახორციელებს საქართველოს ხელისუფლება, გადაფაროს.
ამათთვის საქართველო და ქართული მოსახლეობა არაფერს ნიშნავს. როდესაც ჩრდილოეთ აფრიკაში ჩასახლებულ ჰოლანდიელებთან – ბურებთან მიდიოდა მოლაპარაკება, იცით რამდენს ჰპირდებოდნენ მიწას?! 80 000 ჰექტარ საქართველოს მიწას ჰპირდებოდნენ.
80 000 ჰექტარი დაახლოებით 10%-ია საქართველოს სახნავი მიწების. საქართველოს 10% აძლევდნენ ვიღაც უცხო ტომელებს.
სანამ “მწვანეთა პარტია” არსებობს, ვერავინ დაიწყებს მშენებლობას!
_ რას აპირებს “მწვანეთა პარტია”?
_ ის კანონმდებლობა, საერთაშორისო კონვენციები რომელიც ჯერ კიდევ ცოცხალია, არ გაუნადგურებიათ და მოქმედებს, ჩვენი ინიციატივითაა შექმნილი.
_ საერთაშორისო კონვენციაში რამსარის კონვენციას გულისხმობთ?
_ ეს არის ჭარბტენიანი ტერიტორიების დაცვის კონვენცია, ეს არ ეხება მხოლოდ საქართველოს. ამ კონვენციის საფუძველზე შეიქმნა კოლხეთის ეროვნული პარკი იმ ჭაობების დასაცავად, სადაც მილიონობით გადამფრენი ფრინველი ჩრდილოეთიდან მოფრინავს, ისვენებს იქ, მერე მიდის სამხრეთით, შემდეგ უკან ბრუნდება. ამიტომ, კოლხეთის ეროვნული პარკი მარტო საქართველოს საკუთრება არ არის. ის შედის საერთაშორისო დაცული ტერიტორიების სისტემაში. სანამ კიდევ ვართ რამსარის კომისიის წევრი, ეს არის ჩვენი მხარისთვის გადარჩენის ერთადერთი შანსი.
არის გლობალური დაცული ტერიტორიების სისტემაში შემავალი ეროვნული პარკი.
_ გასაგებია, მაგრამ საქართველოს ხელისუფლებამ ხომ იცოდა კოლხეთის ეროვნული პარკი გლობალური დაცული ტერიტორიების სისტემაში შემავალი რომ იყო?
_ საქმეც იმაშია, რომ როცა ჩვენ უყურებთ სააკაშვილს, მერაბიშვილს, რა გვარია ჩვენი მედოლე გარემოს დაცვის მინისტრი?
_ გოგა ხაჩიძე…
_ თქვენ გგონიათ ამათმა რამე იცოდნენ საერთოდ? სააკაშვილს ვიცნობ 1990 წლიდან და ძალიან კარგად ვიცი, რა იცის და რა – არა. არაფერი არ იცის კაცმა. სხვათაშორის, არც განათლება აქვს.
_ სააკაშვილზე ამბობენ, ძალიან განათლებული პრეზიდენტიაო…
_ არ ვიცი, ვინ ამბობს, მაგრამ მე გეუბნებით, _ ის ადამიანი, ვისაც ურთიერთობა ჰქონდა სააკაშვილთან. 1995 წლის პარლამენტში ჩვენ ერთად ვიყავით. სხვათაშორის, ის იყო “მოქალაქეთა კავშირის” უმრავლესობის ლიდერი. მაშინ, ანეგდოტები დადიოდა მის განათლებაზე.
