THE INDEPENDENT -ის ინფორმაციით, ფილიპინების პრეზიდენტი, როდრიგო დუტერტე აცხადებს, რომ ქალაქ დავაოს მერად ყოფნის პერიოდში ნარკოტიკების მოხმარებლებს პირადად კლავდა.
მაუწყებლის ინფორმაციით, როგორც ბიზნესლიდერებთან შეხვედრაზე დუტერტემ განაცხადა, ის კლავდა მათ, რადგან სურდა პოლიციის თანამშრომლებისთვის ეჩვენებინა „მე თუ შემიძლია გავაკეთო, რატომ არ შეგიძლიათ თქვენ.“
„დავაოში ამას პირადად ვაკეთებდი,“_ AFP სააგენტოს ინფორმაციით, განაცხადა 71 წლის ლიდერმა.
„დიდი ველოსიპედით დავდიოდი ქუჩებში, ვპატრულირებდი და ასევე საფრთხეს ვეძებდი,“_აცხადებს დუტერტე.
მაუწყებლის ინფორმაციით, დუტერტე, რომელიც პრეზიდენტი ივნისში გახდა, გამარჯვებას განიხილავდა, როგორც სასიკვდილო ომს ნარკოტიკებთან, რომელშიც ათასობით ადამიანი პოლიციელების მიერ დაიღუპა.
როგორც CNN იუწყება, 5 927 სიკვდილი დუტერტეს მიერ 1 ივლისიდან ნარკო რეალიზატორებსა და მომხმარებლებზე განხორციელებულ გადაჭარბებულ დარბევებს უკავშირდება
როგორც ცნობილია,დუტერტემ პრეზიდენტად არჩევის შემდეგ პირობა დადო, რომ ფილიპინებში სიკვდილით დასჯას დააბრუნებდა.
მაუწყებლის ინფორმაციით, დუტერტე ამერიკის შეერთებულ შტატებს ღიად უპირისპირდებოდა, ხოლო მისმა სიბრაზემ ადამიანის უფლებების დარღვევების შესახებ მისი მეთვალყურეობის ქვეშ აყვანა განაპირობა.
როგორც ცნობილია, ოქტომბერში მან განაცხადა, რომ ფილიპინები ამერიკის შეერთებული შტატებს ემიჯნება და ქვეყნის ერთადერთ იმედად ეკონომიკურ საკითხებში ჩინეთი დაასახელა.
გავრცელებული ინფორმაციით, დუტერტემ ორშაბათს ღამით განაცხადა, რომ აპირებს ანტი კრიმინალური ღონისძიებები გააგრძელოს.
„თუ თვლიან, რომ გაჩერების შემეშინდება ადამიანის უფლებების დამცველების და სხვადასხვა ბიჭების, მათ შორის ობამასი, ვწუხვარ, მაგრამ მე შეჩერებას არ ვაპირებ,“_აცხადებს დუტერტე.
ის ასევე აცხადებს, რომ ამერიკის შეერთებული შტატების ახლად არჩეულ პრეზიდენტს ჰგავს.
„გაუმარჯოს ტრამპს. ჩვენ ორივეს გვლანძღავენ პატარა მიზეზის გამო. ჩვენ ერთმანეთს ვგავართ,“_განაცხადა დუტერტემ მალაიზიაში სტუმრობის დროს.
მაუწყებლის ინფორმაციით, გაპრეზიდენტებამდე დუტერტე სულ მცირე 20 წლის განმავლობაში დავაოს მერი იყო, სადაც ის დანაშაულისადმი დაუნდობელი მიდგომის გამო 2002 წელს ჟურნალმა TIME-მა „დამსჯელად“ დაასახელა.
ამავე თემაზე:
ფილიპინები ამერიკის შეერთებულ შტატებს ემიჯნება
„თუ გერმანიას ჰყავდა ჰიტლერი, ფილიპინებსაც შეიძლება ჰყავდეს“_ფილიპინების პრეზიდენტი
