სოციალური ქსელები სულაც არ არის მეგობრობის ალტერნატივა, ეს მისი გაგრძელებაა.
ბიზნესში ყველაზე მთავარია კონცენტრირება რაღაც მნიშვნელოვანის შექმნაზე. მე, პირადად, იმაზე ვმუშაობდი, რისი გამოყენების სურვილი თავადაც მექნებოდა.
თუკი ადამიანს ტვინი მოეპოვება, მას, უბრალოდ, მორალური უფლება არ აქვს, საკუთარი დროისა და მიღწევების შედეგები დამსაქმებელს მისცეს და არ იმუშაოს საკუთარ თავზე.
რეკლამა დიდად არ გვიყვარს, მაგრამ ის საშუალებას გვაძლევს, გადასახადები დავფაროთ.
ჩვენ თითოეულ ადამიანს ხმა, ესე იგი, ძალაუფლება მივეცით. და ამ მომენტიდან ძველმა სისტემამ არსებობა შეწყვიტა.
ენა _ ეს არც ისე წარმატებული მეთოდია იდეების გადმოსაცემად.
ბევრი აფუძნებდა კომპანიებს ისე, რომ ბოლომდე არ ჰქონდა მოფიქრებული, რა უნდა გაეკეთებინა ამ კომპანიას. აბა, ასე როგორ შეიძლება? პირველ რიგში, უნდა დაიწყო იმ იდეით, რომ გსურს მსოფლიოს რაღაც სასარგებლო შესთავაზო, შემდეგ კი მას საკუთარი საქმიანობა მოარგო.
როცა კომპანიას ხსნი, აუცილებელია, ის რაღაცის მიმართ საკუთარ რწმენას ეფუძნებოდეს.
მცირე განვითარებადი ბიზნესის შესაქმნელად აუცილებელია ორი რამ. პირველი: გყავდეს პროფესიონალები ან შეგეძლოს, ასწავლო მათ, ვისაც იდეები აქვს, და მეორე: უნარი, შეძლო იდეების რეალიზება.
მრეწველობა და ნებისმიერი სხვა ბიზნესი რამდენიმე წელიწადში ბევრად მობილური გახდება, ეს გარდაუვალია.
ყველაზე დიდი რისკია, არ გარისკო არასოდეს. მსოფლიოში ყველაფერი საშინლად სწრაფად იცვლება და ერთადერთი სტრატეგია, რომელიც გარანტირებულად იწვნევს მარცხს _ ეს არის რისკზე უარის თქმა.
მე მხოლოდ იმაზე ვფიქრობ, როგორ გავზარდო და გავაძლიერო საკუთარი ბიზნესი და არა იმაზე, როგორ გავყიდო ის. ვფიქრობ, ჩვენი სამუშაო ბევრად საინტერესოა, ვიდრე ბევრი სხვა ადამიანის. ჩვენ, უბრალოდ, მოგვწონს და გვიყვარს საკუთარი საქმე. ეს კი მთავარია. ამის გამო, კომპანიის გაყიდვაზე არასოდეს მიფიქრია.
