“ქართული ოცნებას”, შესაძლოა, ოფისიც ჩამოართვან

_ დააყადაღებენ ყველაფერს, რაც კი “ქართული ოცნების” სახელზეა, მათ შორის მთელ ქონებას და ანგარიშებს, ანუ პარტიასაც?

_ ნამდვილად ყველაფერს დააყადაღებენ და აქედან გამომდინარე, არჩევნებში, როგორც ჩანს, მარტო, ოპოზიციის გარეშე აპირებენ მონაწილეობის მიღებას.

_ ბიძინა ივანიშვილმა, პირველად, სწორედ “გურია ნიუსთან” ინტერვიუში განაცხადა, რომ ის არ აპირებს ამ ჯარიმების გადახდას და რა მოხდება ამ შემთხვევაში?

_ ბიძინა ივანიშვილს, როგორც კერძო პირს, დაახლოებით 80 მილიონამდე აქვს დაკისრებული და ეს თანხა დააკისრეს როგორც ფიზიკურ პირს. გარდა ამისა, ლაპარაკია პარტიებზე, როგორც იურიდიულ პირებზე, რომელთა გადასახდელი თანხა 3 მილიონზე მეტია. ბატონი ბიძინა, პარტიებს თანხას ვერც ისე გადაუხდის და ვერც ასე. მას საერთოდ ეკრძალება პარტიების დაფინანსება, იმიტომ რომ არის უცხო ქვეყნის მოქალაქე. აქედან გამომდინარე, ეს ჯარიმები უნდა გადაიხადოს პარტიამ.

ვერც გადავიხდით და არც გადავიხდით. ვერ გადავიხდით იმიტომ, რომ ნამდვილად არ გვაქვს ამ ოდენობის თანხა და არ გადავიხდით იმიტომ, რომ ის გადაწყვეტილება, რომლითაც ეს გვეკისრება, აბსოლუტურად უკანონოა.

ჩვენს პარტიას, “ქართული ოცნება _ დემოკრატიული საქართველო” ეკისრება ვალად და ვალდებულებად ჯარიმის გადახდა იმის გამო, თითქოს ჩვენ მივიღეთ მომსახურება “მენეჯმენტ სერვისიგან” ანუ გარემონტებული ოფისები თებერვალსა და მარტში, მაშინ როცა პარტია დარეგისტრირდა 7 მაისს.

2012 წლის 7 მაისამდე ჩვენ არ ვიყავით იურიდიული სუბიექტი და არც რეგისტრირებული. როდესაც წარვუდგინეთ რეგისტრაციის მოწმობა და ვუთხარით, რომ ჩვენ არ გევკუთვნოდა ამის გადახდა, რა თქმა უნდა, სასამართლომ არ გაითვალისწინა. არც იმ პარტიებს ეკუთვნოდათ, რომლებსაც “მენეჯმენტ სერვისთან” კონტრაქტი ჰქონდათ, რადგან ეს იყო აბსოლუტურად კანონის ფარგლებში.

ერთი სიტყვით, იმდენად უკანონოა ეს ყველაფერი, რომ არაფრის გადახდას არ ვაპირებთ. რა თქმა უნდა, გასაჩივრდება ევროპის სასამართლოში, მაგრამ უბრალოდ, კურიოზი ის იქნება, რომ როცა ევროსასამართლო იმსჯელებს ამ საქმეზე, ხელისუფლებაში იქნება “ქართული ოცნება” და ის ჯარიმებიც, რასაც სახელმწიფოს დააკისრებენ, ჩვენი გადასახდელი იქნება. იმიტომ რომ ოქტომბრიდან “ქართული ოცნება მოვა ხელისუფლებაში.

_ არჩევნები ოქტომბერში ტარდება და თუ ეს ფინანსური სანქციები გაგრძელდა, რას აპირებთ სტრასბურგის გადაწყვეტილებამდე?

_ აბსოლუტურად სწორად იქცევა ბიძინა ივანიშვილი, რომ არ აპირებს ამ უკანონო ჯარიმების გადახდას. მსოფლიოში ვერ ნახავთ ვერცერთ ქვეყანას, ყველაზე განვითარებულსაც კი, სადაც ადმინისტრაციული ჯარიმა 80 მილიონს აღწევს. იმდენად არაგონივრულია ეს თანხა. გარდა ამისა, დაჯარიმებულები არიან ფიზიკური პირებიც. წარმოიდგინეთ, იტალიის ყოფილ ელჩს ეუბნებიან, რომ მას არ ექნებოდა თანხა “ქართულ ოცნებაში” შემოსაწირად. ელჩად მუშაობდა ადამიანი და რატომ არ უნდა ჰქონოდა დანაზოგი, ხომ ვერავინ მეტყვის?

_ 7 დღიანი ვადის ამოწურვის შემდეგ, შეიძლება ოფისის გარეშეც დარჩეს “ქართული ოცნება”?

_ შეიძლება მასეც მოხდეს, მაგრამ გამოსავალს აუცილებლად ვიპოვით. საკუთარ სახლებში გავხსნით ოფისებს, რის მაგალითიც ოზურგეთში უკვე გვაქვს.