ერთიანი ნაციონალური მოძრაობა წევრების ნაწილმა დატოვა, რასაც საზოგადოების და პოლიტიკოსთა მხრიდან სხვადასხვაგვარი შეფასებები მოჰყვა. სოციალურ ქსელში პარტიიდან წევრთა წასვლას ნაწილი დადებითად აფასებს, ნაწილი-უარყოფითად. ზოგი ამ ფაქტმა ხუმრობის ხასიათზეც დააყენა.
შედარებით მკაცრი პოზიცია უჭირავთ პარტიაში დარჩენილ წევრებს.
"ეს პარტია მიხეილ სააკაშვილმა არ შექმნეაო. მერე – ამ პარტიას ის ანგრევს, ვინც ის შექმნაო. ცოტა აჭრილები მეჩვენენ ჩემი ყოფილი თანამებრძოლები", _ წერს თინათინ ბოკუჩავა სოციალურ ქსელში.
"ჩამოირეცხეს სისხლიანი ცხრა წელი და შეუდგნენ გზას შუშის კოლბისკენ. აბა, რა ექნათ, ციხე შიგნიდან ვერ გატეხეს", _ წერს ჩიორა თაქთაქიშვილი, რომელიც "ნაციონალურ მოძრაობაში" რჩება.
"ნაციონალურმა მოძრაობამ" ისე ერთიანად მოიშორა ერთმანეთზე არასასურველი სახეები, რომ თან მთელი მორალური უპირატესობა სააკაშვილს დაუტოვა, თუ რამ შეიძლება ჰქონოდა. თავის მხრივ, სააკაშვილს მიეცა თეორიული შანსი რეალურად განახლდეს პარტია, ისე რომ სავაჭრო ნიშანი, კვალიფიციური პარტიის სტატუსი და კვოტები დარჩა, ხოლო სიახლის პერსპექტივა გაეზარდა, თან ისე რომ თითქმის ნახევარ მილიონიანი ელექტორატი შეინარჩუნა. რაც შეეხება უგულავას, მას აქვს თეორიული შანსი ნაციონალების ელექტორატის დატაცების, მაგრამ არა იმ გუნდით რომელშიც აღმოჩნდა", _ წერს პიარ ტექნოლოგიების სპეციალისტი არჩილ გამზარდია.
"იმდენი აგინეთ ნაცებს, რომ გამრავლდნენ – ერთის ნაცვლად ორი გახდა";
"ბიძო არის პელე!!!
თავისიანებმა ვერ მოუგო ნაცებს და თვითონ ნაცებს დააჭმევინა ერთმანეთი!!!"
"რა ქვია უგულავას მოძრაობას როდის გვეტყვიან? "ნახ–ნაციონალური მოძრაობა?
"Mikheil Saakashvili შენ გული არ გაიტეხო! ჭიკაანში ნაზუქივით გიგიები მეგულება"," _ წერენ "ფეისბუკის" მომხმარებლები.
