იტალიაში რამდენიმე დღის წინ ზვავის ჩამოწოლის შედეგად დანგრეული სასტუმრო rigopiano-დან მაშველებმა 3 ლეკვი გადაარჩინეს. აღნიშნულ ინფორმაციას BBC ავრცელებს.
მაუწყებლის ინფორმაციით, ლეკვების გადარჩენამ მაშველებს იმედი მისცა, რომ დაკარგული ადამიანების ცოცხლად პოვნის შანსი არსებობს.
ამ დროისთვის გავრცელებული ინფორმაციით, ზვავის ჩამოწოლის შედეგად 7 ადამიანი დაიღუპა, ხოლო 22 დაკარგულად ითვლება და მათი სამძებრო სამუშაოები მიმდინარეობს.
მაუწყებლის ცნობით,მაშველებმა სასტუმროდან 9 ადამიანის ცოცხლად გამოყვანა შეძლეს, ხოლო 2 სასტუმროს გარეთ იპოვეს.
როგორც ცნობილია, იტალიაში ზვავის ჩამოწოლა მიწისძვრამ გამოიწვია.
ამავე თემაზე:
