რა წერია ბოლნისის მუნიციპალიტეტის გენდერული თანასწორობის სამოქმედო გეგმაში

ბოლნისის მუნიციპალიტეტის საკრებულომ გენდერული თანასწორობის ღონისძიებათა  2017-2019 წლების  სამოქმედო გეგმა დაამტკიცა.

გენდერული რწმუნებულის-გუბერნატორის ადმინისტრაციაში მოეწყო, სადაც მხარის გუბერნატორმა განაცხადა, რო ეს მსგავსი გეგმა ყველა მუნიციპალიტეტმა უნდა შეიმუშაოს.

"ბოლნისის მუნიციპალიტეტში  შექმნილი დოკუმენტი უნდა გახდეს ნიმუში და მის მაგალითზე ქვემო ქართლის ყველა მუნიციპალიტეტმა იხელმძღვანელოს და შეიმუშაოს „გენდერული სამოქმედო გეგმა. სასიამოვნოა ის ფაქტი, რომ რეგიონში პირველი მერცხლები ვართ, მადლობა ადგილობრივ ხელისუფლებას მხარდაჭერისთვის", _ აღნიშნა პაატა ხიზანაშვილმა.

ცნობისთვის, ბოლნისი მრავალეთნიკური მოსახლეობისგან შედგება, მუნიციპალიტეტში სადაც 78 700 ადამიანი ცხოვრობს მოსახლეობის  65% ეთნიკურ უმცირესობას წარმოადგენს, სწორედ ამიტომ არის მნიშვნელოვანი ამ გეგმის განხორციელება. 

მუნიციპალიტეტის ინფორმაციით, გენდერული თვალსაზრისით განვახორციელებული ეს პირველი პროექტი არ არის. მათი ცნობით, 2015 წელს,  „სოფლის მხარდაჭერის პროგრამის“ ფარგლებში ქალთა ჩართულობა გააქტიურდა. 

„ქალის ხმამ მნიშვნელობა შეიძინა“, ისინი აქტიურად ჩაებნენ სოფლის პრობლემების  მოგვარების საკითხებში, ასახელებდნენ პრიორიტეტებს. სოფლის კრებებს სულ 1089 ადამიანი დაესწრო აქედან 421 ქალი, ანუ ქალთა აქტივობა 38% დაფიქსირდა.  ეს ტემპი 2016 წელსაც გაგრძელდა და დაუმჯობესდა კიდეც  ქალთა მონაწილეობა გადაწყვეტილების მიღების პროცესში 47%  მიაღწია. (საერთო რაოდენობა 1085/ ქალი 513).

სოფლის მოსახლეობის სტატისტიკას „გენდერულ ჭრილში“ თუ გადავხედავთ 26 სოფლის მონაცემით 401 ქალი არის ოჯახის უფროსი. აღსანიშნავია, ის რომ აქედან სოფლების უმრავლესობა ეთნიკური უმცირესობაა.

არ შემიძლია არ ავღნიშნო ხელმძღვანელობის მხარდაჭერა და მზაობა ქალთა გაძლიერების კუთხით, ამის ნათელი მაგალითია ახალი მუნიციპალური სერვისი „ქალთა ოთახი“. სწორედ მუნიციპალიტეტისა და ქალთა ოთახის შედეგია ის, რომ 525 ქალი დატრენინგდა და გახდა ინფორმირებული ქალთა უფლებების შესახებ.

ასევე საინტერესოა   ხელმძღვანელ თანამდებობებზე მოღვაწე ქალთა რაოდენობა. ბოლნისის მუნიციპალიტეტის გამგეობის სამსახურებში, ა(ა)იპ-ებსა და შპს-ებში, საკრებულოში ქალები წამყვან პოზიციებზე ასე გადანაწილდნენ: საკრებულოს აპარატის უფროსი ერთი, საკრებულოს თავმჯდომარის თანაშემწე ერთი,  გამგებლის მოადგილე ერთი, განყოფილების უფროსი ექვსი,  სოფლებში გამგებლის წარმომადგენელი სამი მათგან 1 ეთნიკურად აზერბაიჯანელი.  გამგებლის თანაშემწე ერთი, შპს დირექტორი ორი, ა(ა)იპ უფროსი შვიდი“, _ აღნიშნავს ბოლნისის მუნიციპალიტეტის გამგებლის თნაშემწე გენდერულ საკითხებში ფატმან ტვილდიანი.

მისივე თქმით, მიუხედავად იმისა, რომ ქალთა წახალისებისათვის მუნიციპალიტეტის მხრიდან არაერთი ქმედითი ნაბიჯებია გადადგმული ეს საკმარისი არ არის იმ ძირეული კომპლექსების დასაძლევად რაც არსებულ რეალობაში გვხვდება.

·        პრაქტიკულმა გამოცდილებამ აჩვენა, რომ ქალთა განსაკუთრებული საჭიროებების პრობლემები ყველგან ჩანს;

·        მამაკაცთა უმრავლესობა გენდერულ პრობლემებს არ განიხილავს მწვავე საკითხად;

·        სოფლებში გენდერული თანაშემწის  და „ქალთა ოთახის“   არსებობის შესახებ ცნობაობა დაბალია ან საერთოდ არ არის.

"ზემოაღნიშნულიდან გამომდინარე  გაიწერა სამოქმედო გეგმა, რაც ხელს შეუწყობს გენდერული თანასწორობის პოლიტიკის განხორციელებას. ბოლნისის მუნიციპალიტეტმა შეიმუშავა გენდერული სამოქმედო გეგმა , რომელიც გაწერილია გრძელვადიან (3-წლიან) და მოკლევადიან (1-წლიან) პერიოდზე.

გენდერუალი სამოქმედო გეგმა 5 მიზნისგან შედგება, ესენია:

ადგილობრივი  თვითმმართველობის ორგანოში გენდერული თანასწორობის პრინციპების დანერგვა/ცნობიერების ამაღლება;

სოფლად მცხოვრებ ქალთა ეკონომკური ხელშეწყობა;

გადაწყვეტილების მიღების პროცესში ქალთა და მამაკაცთა თანაბარი ჩართულობის ხელშეწყობა/უზრუნველყოფა;

ქალთა მიმართ ძალადობისა და ოჯახში ძალადობის პრევენცია; სხვადასხვა მიზნობრივი პროექტების განხორციელება“, _ ამბობს ტვილდიანი.