ამ განცხადებებიდან ირკვევა, რომ მუნიციპალიტეტს დაგეგმილი აქვს შემდეგი ნივთების შეძენა:15 სანაგვე ურნა (მათ შორის რამდენიმე დეკორატიული) – 6500 ლარად, გასახდელი კარადების 74 ცალი ჩიპი -19 000 ლარად, ბაღის 12 ცალი სკამი 7200 ლარად, 10 ცალი გორგოლაჭიანი სავარძელი -2100 ლარად და 5 ცალი 4 ადგილიანი მოსაცდელი სკამი (ტყავის საზურგით) – 5500 ლარად, ტრიბუნის სკამები მონტაჟით (ორი ფერის: ლურჯი – 120, თეთრი -120) -7200 ლარი, ავეჯი-კარადები, ჟურნალების მაგიდა, სამეული, მაგიდები სულ-34 700 ლარი
”გურია ნიუსი” გურჯაანის გამგებელს დავით მესხიშვილს ერთადერთი შეკითხვით დაუკავშირდა, _ რამდენად გადაუდებელი იყო სტიქიით განადგურებული გურჯაანისთვის მუნიციპალიტეტის ახალი ავეჯით აღჭურვა
გამგებელმა სატელეფონო ზარს უპასუხა, ხოლო მას შემდეგ რაც გაიგო, რომ ჟურნალისტი ესაუბრებოდა, ცუდი სმენადობა მოიმიზეზა და ტელეფონი გამორთო. ამის შემდეგ, „გურია ნიუსის“ ზარს ქალბატონმა უპასუხა, რომელმაც თავი მესხიშვილის თანამშრომლად გაგვაცნო: ”იცით, ბატონი დავითი ფიზიკურად დაკავებულია, რომელი ტენდერი გაინტერესებეთ, ჩვენ ბევრი ტენდრი გამოვაცხადეთ?
„გური ანიუსის“ ჟურნალისტის შეკითხვა ქალბატონმა ბოლომდე მოისმინა და დაგვპირდა, რომ ნახევარ საათში თავად ბატონი დავითი დაგველაპარაკებოდა.
ქალბატონის მითითებით, „გურია ნიუსი“ გურჯაანის გამგებელს ნახევარი საათის შემდეგაც დაუკავშირდა, თუმცა გამგებელმა ჩვენს ზარს საერთოდ აღარ უპასუხა.
შეგახსენებთ, რომ თელავის შემდეგ, სტიქიამ გურჯაანი ყველაზე მეტად დააზარალა, ელექტროენერგიის და საკვების გარეშე დარჩენილი მოსახლეობა ხელისუფლებისგან სასურსათო პაკეტს ელოდება, ამ რაიონის მუნიციპალიტეტი კი ტყავის სავარძლებს.
