კოალიციის ლიდერის განცხადებით,საქართველოს ხელისუფლებამ მას ყველა გზა მოუჭრა და ერთადერთი კანონიერი საშუალება, გაჭირვებაში მყოფი ადამიანების დასახმარებლად, უკანონოდ დაკისრებული ჯარიმების გადახდაა. 80 მილიონი ლარი სასამართლოს მიერ მითითებულ ანგარიშზე უკვე გადაირიცხა. ბიძინა ივანიშვილის თქმით, თანხა სტიქიის შედეგად დაზარალებულ მოქალაქეთა სრულფასოვანი დახმარებისთვის არის განკუთვნილი, თანხის ხარჯვის მონიტორინგს კი „ქართული ოცნება“ განახორციელებს.
”ხელისუფლებამ კიდე ერთხელ მოახერხა და არამიზნობრივად გაფლანგა ის 100 მილიონი, ჩვენ მკაცრად მოვითხოვთ გამოაქვეყნონ ანგარიში სად დაიხარჯა ის 100 მილიონი.”-აცხადებს ბიძინა ივანიშვილი
”კახეთში ვიყავი და პირადად ვნახე ზარალის მაშტაბები. 1000 ლარიანი დახმარება სასაცილოა, იმ ზარალის 10% კი არ არის, რაც ადამიანებს რეალურად მიადგათ.მოვითხოვთ რომ გადაიხედოს კომპენსაციის რაოდენობა. მე აკრძალული მაქვს ყველანაირი დახმარება არსებული კანონმდებლობით,თუმცაღა ხელისუფლების გაუაზრებელი ქმედებით დაკისრებულ ჯარიმას, რომლის გადახდასაც არ ვაპირებდი, ისევ მათი გაუაზრებელი ქმედების შედეგად ვიხდი.გუშინ გადავრიცხე 10 მილიონი, დღეს გადავრიცხავ 80 მილიონს სასამართლოს მიერ მითითებულ ნებისმიერ ანგარიშზე. ”
ივანიშვილის განცხადებით, 80 მილიონის გადარიცხვის შემდეგ, ხელისუფლება ვეღარ იტყვის, რომ ზარალის სრულად დასაფარად ფული არ აქვს.
”ამ თანხას გავაკონტრლოებთ უმკაცრესად , რომ არ მოხდეს მისი არამიზნობრივად დახარჯვა ან პოლიტიკური ნიშნით ზოგიერთი ადამიანისათვის დახმარებაზე უარის თქმა.”
ბიძინა ივანჳშვილის განცხადებით, თუ არც ეს თანხა იქნება საკმარისი, ის მზადაა არსებული კანონმდებლობის ფარგლებში, კიდევ გადაიხადოს რამდენიმე მილიონი სტიქიით დაზარალებულთა დასახმარებლად.
ხელისუფლებაში მოსვლის შემთხვევაში, ივანიშვილი პირობას დებს,რომ ზარალს სრულად აანაზღაურებს.
