_ ჩვენ გვაქვს თავისუფლება და ჩვენ გვაქვს მომავალი, მადლობთ, ძმებო… მადლობთ, მადლობთ, მადლობთ, მადლობთ… ყველას მინდა მადლობა გითხრათ მობრძანებისთვის. ყველა წერილი წავიღე, იცოდეთ, რომ ყველა წერილს მე თვითონ ვკითხულობ, ჩემი დროის დიდი ნაწილი და ყველა ჩვენი დიდი დრო მიდის ამ წერილების პასუხის გაცემაზე, _ განაცხადა მიხეილ სააკაშვილმა.
სანამ შეხვედრაზე მიხეილ სააკაშვილი მადლობებს გადაიხდიდა, მანამდე განაცხადა, რომ ხელისუფლება ყველაფერს აკეთებს ხალხისთვის. მან ისაუბრა სხვადასხვა საკითხების მოგვარებასა და საავადმყოფოებზე:
_ ჩვენ ვაშენებთ ბევრ საავადმყოფოს, ოზურგეთის საავადმყოფოში რამდენჯერმე შევიარე, იცის რამაზმა (რამაზ ნიკოლაიშვილი. ავტ.), რომ 4-5-ჯერ ვიყავი საავადმყოფოში. მივდივარ იმისთვის, რომ შემდეგი ეტაპი მაინტერესებს. ის კი არა, რომ კარგი აპარატურა არის, კარგია, რომ კარგი ექიმები არიან, კარგ ოპერაციებს აკეთებენ რთულად. მაინტერესებს ის, რასაც ჩვენ ვხსნით, არის თუ არა ხელმისაწვდომი და რა თქმა უნდა, ჯერ არ არის ხელმისაწვდომი. წინა ჩასვლაზე რომ ვიყავი, ქალი შემხვდა, 600 ლარი ჰქონდა შვილიშვილის ოპერაციისთვის გადასახდელი და არ უშვებენ იქედან, არანაირი პირობები აქვთ. სანამდე ასეთი ქალი არსებობს, სანამ ასე პირობებში არის ხალხი, თავის მოსაწონებელი არ არის, _ განაცხადა მიხეილ სააკაშვილმა.
