აღნიშნული ორგანიზაციის ოფისთან “გურია ნიუსმა” შემდეგი საჯარო მოხელეები დააფიქსირა: შუქრი გაბრიჩიძე _ ოზურგეთის მუნიციპალიტეტის ზედამხედველობის სამსახურის უფროსი, გია შახოვი _ გამგეობის მატერიალურ-ტექნიკური უზრუნველყოფის განყოფილების უფროსი, ოთარ რევიშვილი _ სპორტისა და ახალგაზრდულ საქმეთა სამინისტროს წარმომადგენელი გურიაში, კახა მეგრელიშვილი _ ქალაქ ოზურგეთის რწმუნებული მამია ბარამიძე _ სამხარეო ადმინისტრაციის თანამშრომელი.
გია შახოვის თქმით, ის სამუშაო საათებში იმიტომ შევიდა “ნაცმოძრაობის” ოფისში, რომ რაღაც დაზიანება იყო და დაეხმარა.
ნაცმოძრაობის ოფისში მისული მე-4 საჯარო სკოლის პედაგოგის (მან თავი ასე წარმოგვიდგინა) თქმით, ის “ენერგო პრო ჯორჯიას” თანამშრომელმა დაპატიჟა საარჩევნო თემასთან დაკავშირებით(?!), თუმცა რატომ, მისთვის ეს უცნობია.
ოფისიდან რამდენიმე ქალბატონი გამოვიდა, რომლებმაც გვითხრეს, რომ „ნაცმოძრაობის“ კოორდინატორები არიან და 8 აგვისტოს გამოცხადებულ გლოვის დღესთან დაკავშირებით იყვნენ მიწვეულები.
“გურია ნიუსმა” კომენტარი თხოვა „ნაცმოძრაობის“ერთ-ერთ წევრს, თამუნა თავაძეს, რომელმაც გვითხრა, რომ არ იცის, რა ხდება ოფისში, რადგან გვიან მოვიდა. გაარკვევდა და გვეტყოდა.
ის რამდენიმე წუთში გამოვიდა და გვითხრა, რომ პრესსპიკერისთვის, ლია კილაძისთვის მიგვემართა. თავაძის თქმით, ოფისში არანაირი საჯარო მოხელეები არ იმყოფებიან.
რევიშვილის და გაბრიჩიძის მანქანები
ნაცმოს ახალგაზრდული ორგანიზაციის ოფისთან
ამ ქალბატონებმა ოფისში ათიოდე წუთი დაჰყვეს
კახა მეგრელიშვილმა ჩვენი დანახვის შემდეგ ოფისი სასწრაფოდ დატოვა
გია შახოვი ოფისიდან გამოდის
