| სესხის აღება მნიშვნელოვნად ცვლის მსესხებლის ფინანსურ მდგომარეობას. როდესაც ამ გადაწყვეტილებას ინფორმირებულად ვიღებთ, შეგვიძლია 5%-იც კი დავზოგოთ სესხის საპროცენტო ხარჯებზე.
არაგონივრულად აღებული სესხი ფინანსური დახმარების ნაცვლად, ძალიან მარტივად შეიძლება იქცეს უდიდეს ვალდებულებად. განსაკუთრებით ხშირია იპოთეკური სესხის ან სამომხმარებლო სესხის აღებისას დაშვებული შეცდომები. გამოვყავით 5 ყველაზე ხშირად დაშვებული შეცდომა სესხის აღებისას. შეცდომა #1. სესხის მოთხოვნა მხოლოდ ერთი კრედიტორისგან სესხის მოთხოვნისას კრედიტორები ძირითადად მიმართავენ ერთ კონკრეტულ ბანკს ან მიკროსაფინანსო ორგანიზაციას და მხოლოდ მას შემდეგ ეცნობიან სხვა ბანკის შემოთავაზებას, თუ პირველი ბანკისგან სესხის გაცემაზე უარს მიიღებენ. ეს სესხის აღებისას საკმაოდ გავრცელებული შეცდომაა. თუ სხვადასხვა კრედიტორის სესხების შემოთავაზებებს შეადარებ, ნახავ, რომ მათი პირობები საკმაოდ განსხვავდება. ამიტომ, იაფი შემოთავაზების არჩევსას სესხის სრულ პერიოდზე რამდენიმე ათასი ლარის დაზოგვაც კი შეგვიძლია. თუ გადაწყვეტ სესხის აღებას, აუცილებლად შეადარე შემოთავაზებები და მიიღე ინფორმირებული გადაწყვეტილება. სესხების შედარებისთვის გირჩევთ ამ ბმულს ეწვიოთ. შეცდომა #2. ეფექტური საპროცენტო განაკვეთის უგულებელყოფა სესხის საპროცენტო განაკვეთი არის მთავარი პირობა, როდესაც სესხის აღებას ვაპირებთ. თუმცა, სესხის პირობებში უმეტესად მითითებულია ნომინალური საპროცენტო განაკვეთი, რომელიც არ მოიცავს სესხის ყველა რეალურ ხარჯს. მომხმარებელთა დიდმა ნაწილმა არ იცის რა არის ეფექტური საპროცენტო განაკვეთი და ძირითადად ნომინალური საპროცენტო განაკვეთით წყვეტენ – იაფია თუ არა სესხი. ეს არის საკმაოდ გავრცელებული შეცდომა. მხოლოდ ეფექტური საპროცენტო განაკვეთი გვიჩვენებს რეალურად რა ღირს ესა თუ ის სესხი, რადგან მოიცავს სესხით სარგებლობასთან დაკავშირებულ ყველა ხარჯს და გვიჩვენებს სესხის რეალურ ღირებულებას; ამიტომ მომავალში, როდესაც სესხის აღებას გადაწყვეტთ, აუცილებლად დააკვირდით ეფექტურ საპროცენტო განაკვეთს. შეცდომა #3. სესხის არჩევა ზედმეტად გრძელი ვადით სესხის აღებისას მსესხებელთა დიდი ნაწილი ცდილობს სესხი გაწელოს გრძელ პერიოდზე, რადგან მარტივად შეძლონ ყოველთვიური საპროცენტო ხარჯის გადახდა. ეს შეცდომაა მაშინ, როდესაც მომხმარებელს აქვს იმის ფინანსური შესაძლებლობა, რომ უფრო მალე დაფაროს სესხი. ამის თვალსაჩინოდ დანახვა სესხის კალკულატორის გამოყენებითაც შეგიძლიათ. რაც უფრო გრძელვადიანია სესხი, მით უფრო მაღალია სესხის ღირებულება და ჯამური ხარჯები. მომხმარებლებისთვის მიმზიდველად გამოიყურება 200 ლარის 3 თვიან პერიოდზე გადანაწილება, რადგან ყოველთვიურად გადასახდელი თანხა მცირეა, თუმცა იმავე მოცულობის სესხის 30 დღის ვადით აღება მნიშვნელოვნად ამცირებს სესხის ხარჯებს. შეცდომა #4. სესხის დაუფიქრებლად აღება მოკლევადიანი მიზნებისთვის ადამიანთა დიდი ნაწილი იმპულსურად იღებს სესხს მაშინ, როდესაც გაუთვალისწინებელი ხარჯები იჩენს თავს. ასეთ დროს, როგორც წესი, არ ფიქრობენ რა შედეგი შეიძლება დადგეს სესხის აღებისას და რამდენად შეძლებენ მის დაფარვას მომავალში. სანამ სესხს აიღებთ დასვით მთავარი კითხვა – ნამდვილად გჭირდებათ თუ არა ფინანსური დახმარება სესხის სახით? შეგიძლიათ თუ არა დამატებითი თანხის მიღება სხვა გზით? ასევე, სესხის განაცხადის შევსებამდე დაფიქრდი რამდენად გადახდისუნარიანი ხართ და შეძლებთ თუ არა ყოველთვიურ შენატანებთან გამკლავებას უახლოესი რამდენიმე თვე. მას შემდეგ, რაც დარწმუნდებით, რომ სესხის აღება ოპტიმალური გადაწყვეტილებაა და თქვენს ფინანსურ მდგომარეობას ვალდებულებად არ დააწვება, მაშინ შეგიძლიათ ჩათვალოთ, რომ გააზრებულ ნაბიჯს დგამთ. შეცდომა #5. სესხის იმაზე დიდი მოცულობით აღება, ვიდრე გვჭირდება მსესხებლები ხშირად იღებენ იმაზე დიდი მოცულობის ვალდებულებას, ვიდრე რეალურად იმ მომენტში სჭირდებათ. ესეც საკმაოდ გავრცელებული შეცდომაა, რადგან რაც უფრო დიდია სესხი, მით მეტია მასთან დაკავშირებული ხარჯები. დიდი მოცულობის სესხის აღების ცდუნება განსაკუთრებით აქტუალურია მაშინ, როდესაც ბანკები წინასწარ გვიმტკიცებენ სესხს. თუ ვიცით, რომ შეგვიძლია ერთბაშად ავიღოთ საკმაოდ დიდი თანხა, ხშირად ერთიანად ვსესხულობთ და აღარ ვფიქრობთ – რეალურად გვჭირდება თუ არა ამდენი დამატებითი თანხა კონკრეტულ სიტუაციაში. ასეთ დროს გახსოვდეთ, რომ მოგიწევთ გადაიხადოთ იმ დამატებითი თანხის საფასურსიც, რომელიც რეალურად არ გჭირდებოდათ და მაინც ისესხეთ. |
