კრიზისული სიტუაციების მართვის შტაბი

(გურია ნიუსი, ლანჩხუთი) _ ლანჩხუთის მუნიციპალიტეტის გამგეობის პრესსამსახურის ინფორმაციით, საკრებულომ 2010 წლის 26 ნოემბერს მიიღო “ლანჩხუთის მუნიციპალიტეტის ბუნებრივი კატასტროფებისა და კრიზისული სიტუაციების მართვისა და პრევენციის გეგმის დამტკიცების შესახებ». ამავე განკარგულების საფუძველზე, საკრებულოს 2011 წლის 21 იანვრის ბრძანებით, დამტკიცდა კრიზისული სიტუაციების მართვის შტაბის შემადგენლობა. შტაბს ხელმძღვანელობს მუნიციპალიტეტის გამგებელი გიორგი გოგუაძე. მან შეხვედრაზე დამსწრეთ გააცნო შტაბის შემადგენლობა, რომელშიც შედიან ადგილობრივი თვითმმართველობის, მისი მმართველობის სფეროში შემავალ დაწესებულებათა და საჯარო სამართლის იურიდიულ პირთა წარმომადგენლები.
გოგუაძემ აღნიშნა, რომ შტაბის შექმნის მიზანია საგანგებო სიტუაციის თავიდან აცილება, ხოლო მისი წარმოქმნის შემთხვევაში, საგანგებო სიტუაციით გამოწვეული შედეგების ლიკვიდაცია, მოსახლეობის უსაფრთხოების უზრუნველყოფა, ეკონომიკის ობიექტებისა და ბუნებრივი გარემოს დაცვა და მატერიალური ზიანის შემცირება.