არა მხოლოდ მშრომელი, არამედ ჭკვიანი, განსაკუთრებული, შეიძლება ხშირად ბევრად დაუმსახურებლად დაჩაგრული, მაგრამ ძალიან განსაკუთრებულ ადამიანები ცხოვრობენ. თქვენ იცით, რომ ჩვენ ძალიან სერიოზულად მოვკიდეთ ხელი გურიის ინფრასტრუქტურას. აი ახლა, გზად რომ მოვდიოდი, მე ჩემს თავს მივეცი რამდენიმე დავალება, რომ სკოლაა გასაკეთებელი ძალიან მაგრად, იმიტომ რომ ეს ცნობილი სკოლაა, მეორე ის, რომ კლუბებია გასაკეთებელი კარგად.
გზა, რა თქმა უნდა, ძალიან მნიშვნელოვანია, მაგრამ მარტო გზა ყველაფერს ვერ წყვეტს, გზას ხომ აქვს ეკონომიკური მოძრაობა, დასაქმება, განვითარება, ასე ხდება ყველაფერი, ყველაფერს უნდა მიყვანა, იმდენი საქმე იყო თავიდან, საიდან უნდა დაგვეწყო არ ვიცოდით. ამიტომ, რა თქმა უნდა, მთავარია აქ დასაქმება. ამიტომ არის ოზურგეთში ძალიან მაგარი გადამზადების კოლეჯი და ჩვენ ვუზრუნველვყოფთ იმას, რომ ყველა ადამიანისთვის იყო ხელმისაწვდომი. პირველივე ერთ თვეში, 80% დამთავრებულების იღებს და შოულობს საკმაოდ მაღალანაზღაურებად სამუშაოებს, ესე იგი შესაძლებელია ამ ყველაფერის გაკეთება.
ახლა, ტექნიკა ბევრად მეტი მოგვაქვს სოფელში, ვმუშაობთ გასაღების ბაზარზე და იმაზე, რომ თითოეული ოჯახი იყოს დაცული და დაზღვეული. თქვენ იცით, რომ ასჯერ გაიზარდა საქართველოში დაზღვეულთა რაოდენობა, რაც მე პრეზიდენტი ვარ. ხომ იძახოდნენ, რომ ვერ ააშენებთო, როგორც ერთ-ერთმა ქალბატონმა მითხრა ურეკში შეხვედრის დროს, რომ ვერ ააშენებთ გზასო, ასევე ამბობდნენ, რომ ვერ ააშენებენ ესენი 150 საავადმყოფოსო, ასევე ამბობდნენ რომ ვერ მოამატებენ ესენი პენსიასო, _ გავზარდეთ და კიდევ მეტად გავზრდით, ასევე ამბობდნენ, რომ ვერ შექმნიან იმ რაღაცეებსო, რაზეც ჩვენ ბევრნი ვმუშაობთ. მაგალითად, როგორც კეთდება… ახლა გადმოვიფრინე ბახმაროს კურორტი, ესაა საქართველოს სიამაყე, როგორც კეთდება ურეკის კურორტი… ასე რომ, ერთადერთი, რასაც გთხოვთ, მე, რამაზი, ჩვენი მეგობრები, მთავარია რომ თქვენ ფულს არ გძალავთ არავინ, თქვენ არავინ აღარ გაყაჩაღებთ, ერთადერთი რასაც გთხოვთ ისაა, რომ მოგვცეთ საშუალება, რომ გავაგრძელოთ აღმშენებლობა, გავაგრძელოთ იმ პირობების შექმნა, რომლითაც ხალხი დასაქმდება, გავაგრძელოთ ქვეყნის განვითარება და საქართველოს წინსვლა და არ დავაბრუნოთ საქართველო წარსულში,“ _ განაცხადა მიხეილ სააკაშვილმა.
