(გურია ნიუსი, ლანჩხუთი) _ წინასასეზონოდ, ლანჩხუთის “გურიამ” მორიგი ტესტ-მატჩები გამართა. თუ დასაწყისში ლანჩხუთელები უმაღლესლიგელებთან განადგურდნენ (“ბაიასთან” და “სიონთან” დიდი ანგარიშით წააგეს), შემდეგ ისევ ზედალიგელებს (“კოლხეთი”, “სამტრედია”) ტოლი არაფერში დაუდეს. თუმცა, ბოლოს “გურიამ” თანალიგელებთან ისევ დიდი ანგარიშით წააგო _ ჯერ საკუთარ არენაზე ხონის “იმერეთთან”, ხოლო ბოლოს ურეკში _ “გორთან”. აქვე გეტყვით, რომ სეზონს ჩვენებურები სწორედ ხონში გასვლითი შეხვედრით განაახლებენ.
