(გურია ნიუსი, ოზურგეთი) _ ოზურგეთში ისევ თოვს. დიდთოვლობას რამდენიმე დღეა, უშუქობაც დაემატა _ რამდენიმე სოფელს, ორი დღის განმავლობაში არ მიეწოდება ელექტროენერგია. როგორც ოზურგეთის მუნიციპალიტეტის გამგებლის მოადგილე მიხეილ გოგოტიშვილი ამბობს, ბევრ სოფელში შიდა ქსელებია ამორტიზირებული: _ ვიცი, რომ შუქი ბევრ სოფელს არ მიეწოდება, მაგრამ, “ენერგო-პრო ჯორჯია” მუშაობს. მათ, ახლა ბათუმიდან ჩამოსული ბრიგადა დაემატათ, ძალიან მალე მოგვარდება ეს პრობლემა და შუქი ყველა სოფელში იქნება, _ გვითხრა მიხეილ გოგოტიშვილმა.
