ოზურგეთის დემოკრატიული ჩართულობის ცენტრში, უკვე 26 წლის თამუნა შავაძემ, ჟურნალისტებთან შეხვედრა მოაწყო და გვთხოვა, ეს ინფორმაცია მკითხველამდე მიგვეტანა.
_ ორი კვირა იქნება, რაც ისრაელიდან მომივიდა დასკვნა, სადაც გარანტიას მაძლევენ, რომ ოპერაციის ჩატარების შედეგად მოხდება ჩემი განკურნება ანუ შევძლებ დამოუკიდებლად გავიარო ფეხზე და ჩემს თავს მოვუარო. იმისთვის, რომ ისრაელში მოვახერხო წასვლა მესაჭიროება თანხა. ძალიან ვთხოვ ყველას, რომ დამეხმარონ და გავიკეთო ეს ოპერაცია. თვის ბოლოს უნდა წავიდე ისრაელში, ოთხკვირიანი პროცედურაა. თუ ახლა არ მოხერხდა, ისრაელში გამგზავრება ორი წლით გადაიდება და ნაკლები შანსი მექნება გამოჯანმრთელების, _ გვითხრა თამუნა შავაძემ.
ვისაც სურვილი აქვს, თამუნა შავაძის სახელზე „საქართველოს ბანკში“ გახსნილია ანგარიშის ნომერი და შეუძლიათ ნებისმიერ პირს დაეხმაროს მას.
მიმღები ბანკი: სააქციო საზოგადოება „საქართველოს ბანკი“: ბანკის კოდი: BAGAGE22, მიმღების დასახელება: შავაძე თამარ, მიმღების ანგარიშის ნომერი: GE77BG0000000318014700
“გურია ნიუსი” თამუნა შავაძეს შესახებ ხშირად წერდა. მივმართეთ სამაუწყებლო კომპანია “რუსთავი 2”-ის გენერალურ დირექტორს, ბატონ გოგა გეგეშიძეს, გადაცემის “ვის უნდა ოცი ათასი” წამყვანს, ბატონ მამუკა გამყრელიძეს – 2011 წელის, 23 იანვარს,
„გასულ წელს თამუნა შავაძე თქვენი გადაცემის მონაწილეთა რიგში მოხვდა, მაგრამ, რადგან მედიკოსებს მისი მდგომარეობა უკიდურესად მძიმედ მიაჩნდათ, დასახმარებელთა სიიდან ამოუღიათ. ბოლო გამოკვლევები ადასტურებენ, რომ გოგონას გამოჯანმრთელება სავსებით შესაძლებელია.
“გურია ნიუსის” რედაქცია უერთდება ოზურგეთელი ჟურნალისტების, საზოგადოების წარმომადგენლების თხოვნას, თქვენს გადაცემაში მონაწილეობით, მისცეთ შანსი თამუნა შავაძეს ისევ დაუბრუნდეს იმედი და ფეხზე დადგომა შეძლოს!“
გამოქვეყნდა სტატია სახელწოდებით: ოზურგეთის მუნიციპალიტეტის სოფელ მთისპირში (უკანავაში) მერი (ფატიმა) შავაძის ოჯახს სოციალური დახმარება უკვე ორი თვეა არ ეძლევა, _ 2011 წელი, 19 თებერვალი
თამუნა შავაძე ხელისუფლებას დახმარებას სთხოვს – 2011 წელი, 17 ივნისი.
იმედი გვაქვს, გამოჩნდებიან გულისხმიერი ადამიანები, რომელიც თამუნა შავაძეს დაეხმარებიან.
