ამის დასტურად, მან მოწმობა ჭიშკარს მიღმა მოისროლა და განაცხადა, რომ პროკურატურა გახდა პოლიტიკური დევნის ირგანო, რომელმაც დაიწყო რეპრესიები განსხვავებული აზრის მქონე ადამიანების მიმართ.
_ არ ვაპირებ კბილაშვილისა და წულუკიანის პოლიტიკური დაკვეთების შესრულებას, _ განაცხადა საჯაიამ, რომელიც წლების განმავლობაში როლანდ ახალაიას უწყებაში მუშაობდა.
მის მიმართ ძალიან ბევრ ადცოკატს ჰქონდა პრეტენზია, მათ შორის მირიან ნიკოლაძესაც, რომელმაც ზუგდიდის მაჟორიტარი დეპუტატის, როლანდ ახალაიას წინააღმდეგ, სისიხლის სამართლის აღძვრის მოთხოვნით, პროკურატურაში სარჩელიც შეიტანა.
როგორც ადვოკატი აცხადებდა, ზუგდიდის ყოფილი საოლქო პროკურორის როლანდ ახალაიას წინააღმდეგ საქმე უფლებამოსილების გადამეტებისა და მისი ბოროტად გამოყენების მუხლით აღიძვრება. “ამავე მუხლით სარჩელი ზუგდიდის საოლქო პროკურატურის პროკურორ რომეო საჯაიას და მოსამართლე დავით კეკენაძის წინააღმდეგაც შევა”, _ განაცხადა ნიკოლაძემ.
დღეს, ოფიციალური განცხადების გაკეთებამდე რამდენიმე საათით ადრე, რომეო საჯაიამ კომენტარი “გურია ნიუსთან” გააკეთა.
სამეგრელო ზემო-სვანეთის საოლქო პროკურატურის საგამოძიებო ნაწილის ყოფილი უფროსმა, რომეო საჯაიამ “გურია ნიუსთან” განაცხადა, რომ შესაძლებელია, მთავარმა პროკურატურამ, იგი, როგორც შსს გენერალური ინსპექციის ყოფილი უფროსი თენგიზ გუნავა, იარაღის უკანონო შენახვისთვის და ნარკოტიკების შეძენა-შენახვისთვის დააკავოს:
“მინდა სანამ დამაკავებენ, განცხადება გავაკეთო. იცით, რაც გაუკეთეს თენგო გუნავას _ ჩაუდეს წამალი და იარაღი. გამორიცხული არ არის, ყველას ჩაუდონ, რაღაც პროვოკაცია მოუწყონ. მინდა განვაცხადო, რომ არც სახლში და არც არსად არც წამალი მექნება და არც იარაღი.
ესენი ყველაფერს კადრულობენ. რაც თენგო გუნავასთან იკადრეს, იმის შემდეგ გამორიცხული არ არის, მეც დამაკავონ. მე კი არ მეშინია, ან თავს კი არ ვიზღვევ. მინდა, უბრალოდ, იცოდეთ. ჩემი თავმოყვარეობა, ჩემი სახელი და ჩემო ოჯახის სახელი რომ არ შებღალონ, ამიტომ გეუბნებით. არც ნარკოტიკების მომხმარებელი ვარ, არც იარაღი მაქვს გაფორმებული არც კანონიერად და არც ისე, არც ვაპირებ მქონდეს, რადგან ჩემი იარაღი არის კანონი,” _ გვითხრა რომეო საჯაიამ.
