_ ბატონო ნუგზარ, გავრცელდა ინფორმაცია, რომ ხვალ კოალიცია ,,ქართული ოცნება” ზუგდიდის მუნიციპალიტეტის საკრებულოსა და გამეგობის ,,შტურმს” გეგმავს. ამ აქციის ორგანიზტორად თქვენ სახელდებით.
_ მსგავსი რაღაცა გამორიცხულია. საერთოდ, კოალიცია “ქართული ოცნება” ყოველთვის წინააღმდეგი იყო მსგავსი მივარდნების, შეჭრების და ძალისმიერი ღონისძიებების. ჩვენი პირველი მოთხოვნა იყო ქუჩიდან გადავსულიყავით საარჩევნო პროცედურებზე, რეალურ კამპანიაზე და ყველაფერი სამართლებრივი ფორმით ყოფილიყო წარმართული. ეს არის ძალა, რომელიც ამ პრინციპს ბოლომდე მიჰყვება. ადრეც იყო მსგავსი შემთხვევები, როცა რამდენიმე მოქალაქე მივიდა, თითქოს ამის ორგანიზება ჩვენ გავაკეთეთ და რაღაცას ვცდილობთ. პირიქით, ჩვენი მცდელობაა, ეს როგორმე სამართლებრივი ფორმით განხორციელდეს. არ შეიძლება შეჭრით და შევარდნით ცვლილებები განვახორციელოთ.
ჩვენი პრინციპული მიოთხოვნაა, ყველაფერი კანონიერად გაკეთდეს. ისე როგორც საჭიროა. არ შეიძლება ამ ფორმით შევქმნათ ისეთი ვითარება, რომელიც სხვა ვითარებაში მსგავს მოვლენებს წაახალისებს. არვითარ შემთხვევაში. ჩვენ წინააღმდეგი ვართ, კატეგორიულად ვემიჯნებით ასეთ პროცესებს. ეს ჩემი პოზიციაა. გიდასტურებთ და კიდევ ერთხელ ვიმეორებ, ეს გამორიცხულია! სამწუხაროდ, ალბათ ასეთ ჭორები ვიღაცას აწყობს. ჩვენ ამას ვემიჯნებით.
_ მიუხედავად იმისა რომ თქვენ კატეგორიულად ემიჯნებით არაკანონიერი გზით თვითმმართველ ორგანოებში შეჭრას, ორგანიზაცია “თეთრი მანდილი” ზუგდიდის მუნიციპალიტეტის საკრებულოს თავმჯდომარისაგან და მუნიციპალიტეტის გამგებელისგან მოითხოვს თანამდებობა დატოვონ. რა ურთიერთობა აქვს კოალიაცია “ქართულ ოცნებას” “თეთრ მანდილთან” და არიან თუ არა ამ ორგანიზაციის წევრები “ქართული ოცნების” წარმომადგენლები?
_ რაც შეეხება “თეთრ მანდილს,” მათ შესახებ ჩვენ გვაქვს ინფორმაცია. თვითმმართველ ორგანოებში მათი მისვლის შემდეგ, იმ ქალბატონებთან გვქონდა საუბარი. არავითარ შემთხვევაში სამოქალაქო საზოგადოების ასეთი აქტიურობა პოლიტიკურ სივრცეში არ უნდა გადავიდეს.
,,თეთრი მანდილი” აქტიურობს, ისინი საჭიროდ თვლიან მოაწყონ ასეთი შეხვედრები. ჩვენ წინააღმდეგი ვართ. ჩვენ გვინდა სამართლებრივი ფორმით, ნორმალურად მოხდეს ეს ყველაფერი. მუხედავად მათი აქტიურობისა, ჩვენი პოზიცია არ იცვლება. რა თქმა უნდა, არასამთავრობო ორგანიზაციებს აქვთ უფლება, თავიანთი აქტიურობები განახორციელონ. ამაში ვერ ჩავერევით. ჩვენი მხრიდან ჩარევა და მითითება გამორიცხულია. შეხვედრაზე განვაცხადეთ და ვუთხარით: კი ბატონო, თქვენ მოქმედებთ ასე, მაგრამ ჩვენი პოზიცია არის სხვა. ჩვენი ვმოქმედებთ მხოლოდ სამართლებრივი ფორმით და ჩარჩოებში.
_ თქვენ თუ გქონდათ საკრებულოს თავმჯდომარესთან, ლევან კონჯარიასთან გადადგომის შესახებ საუბარი?
_ ბატონ ლევანთან ვისაუბრე, მაგრამ ამ თემაზე არ მქონია საუბარი. შეიძლება დადგეს ამის დროც და ასეთი შეხვედრაც შედგეს, მაგრამ ჯერ-ჯერობით მიზანშეწონილად არ მიმაჩნია ასეთი საუბრის ჩატარება.
_ თქვენი აზრით, რა შედეგს მოიტანს ზუგდიდში მარტვილის ,,ვარიანტის” განმეორება ?
_ არ შეიძლება! არავითარ შემთხვევაში! ზუგდიდში მარტვილის ვარიანტი?! არავითარ შემხვევაში! საერთოდ, ნებისმიერი მსგავსი ვარიანტი არა მარტო ზუგდიდში, არამედ არ უნდა მოხდეს მთელს საქართველოში. სირცხვილია! არ შეიძლება მსგავსი ცვლილებები ასეთი ფორმით განვახორციელოთ.
_ რამდენად მისაღები იქნება თქვენთვის, ზუგდიდის მუნიციპალიტეტის საკრებულოს თავმჯდომარის და მუნიციპალიტეტის გამგებელის თვითმმართველობის არჩევნების გარეშე თანამდებობიდან წასვლა?
_ ეს მათი გადასაწყვეტია. არ შეიძლება რაღაცა ფორმით ეს გადაწყვეტილება ჩვენ მივაღებინოთ, რადგან კანონი მათ მხარეს არის. არჩევნები ჩატარდა. შედეგი ასეთი გვაქვს. ჩვენ როგორ უნდა გავაკეთოთ, რომ არჩევნებამდე მოხდეს ეს ცვლილებები? რა ფორმით? ეს ძალიან სერიოზული საკითხია. ამას ზოგჯერ ისე მარტივად უყურებენ, სამწუხაროდ კანონი ავიწყდებათ. ავიწყდებათ ბევრი რაღაცეები. მაგრამ ძირითადად როდესაც ჩვენ სერიოზულ ცვლილებებზე ვსაუბრობთ, რა თქმა უნდა, მხედველობაში პოლიტიკური ვითარებაც მიიღება, მაგრამ მთავარი მაინც კანონია. რის საშუალებას გვაძლევს კანონი?! გვაძლევს იმის საშუალებას, ეს ძალადობრივად და თვითნებურად გავაკეთოთ, თუ დავიცვათ პროცედურები, არ დაირღვეს კანონი, არ დაირღვეს სხვების ინტერესები და ეს მოხდეს შეთანხმებულად. მე პირადად მგონია, რომ შექმნილი ვითარებიდან გამომდინარე, ეს გადაწყვეტილება მათ პირადად უნდა მიიღონ.
_ თუ საკრებულოს თავმჯდომარემ და გამგებელმა არ მიიღეს გადაწყვეტილება თანამდებობიდან წასვლის შესახებ, თქვენ რას გეგმავთ?
_ არაფერს. ჩვენ რა უნდა დავგეგმოთ. გავაგრძელებთ ჩვენს საქმიანობას. საკრებულოს წევრი ვარ, საკითხების განხილვაში ჩვეულებრივად მივიღებ მონაწილეობას. მთავარია, თვითმმართველობა და ცენტრალური ხელისუფლება ერთმანეთს არ დაუპირისპირდეს. ცენტრალურ ხელისუფლებას მიაჩნია, რომ იმისთვის რომ ადგილობრივების მოთხოვნა დაკმაყოფილდეს გარკვეული პროპგრამების განხორციელებაა აუცილებლი. ამ დროს, ადგილობრივი თვითმმართველობა თუ ამას არ გააკეთებს, ეს სირთულეს გამოიწვევს, მაგრამ თუ ყველაფერი შეთანხმებულად მოხდება, იგივე პოლიტიკა გატარდება, რა პრობლემაა. მე პრობლემას ვერ ვხედავ. მთავარია, მოსახელობის ინტერესების დაცვა. თუ ამ ფორმით ეს მიღწეული იქნება, სირთულე არაფერი არ არის. სირთულე იქნება მაშინ, თუ ადგილობრივი და ცენტრალური ხელისუფლება ერთმანეთს დაუპირისპირდება. ეს არ უნდა მოხდეს. აქ მთავრი ზუგდიდელების ინტერესია. ძირითადი ნაწილი გაჭირვებულია და ალბათ, მათი ინტერესები უნდა გავითვალისწინოთ. ყველაფერი მათთვის უნდა გავაკეთოთ. აქ არ შეიძლება პოლიტიკური ნიშნების და შეხედულებების გამო ინტერესთა შეჯახება მოხდეს.
მე წინააღმდეგი ვარ იძულებითი და ძალადობის ფორმით ცვლილებების განორციელების.
