გუშინ დასრულდა რაგბი ევროპის ჩემპიონატის პირველი ეპატი, რომელსაც პორტუგალიური ალგარვეში მასპინძლობდა.
თითქოს და ცუდად დაწყებული ტურნირს შესანიშნავი დასასრული ქონდა ჩვენი ნაკრებისთვის. ფინალში ირლანდიასთან დავმარცხდით დაძაბულ ბრძოლაში 10:19. მანამდე კი ძალიან რთული გზის გავლა მოუწიათ ჩვენს ბიჭებს.
პირველ საშეჯიბრო დღეს ორიდან ორი მატჩი დავთმეთ. იტალიასთან დასანანი მარცხი 14:17 და გერმანიასთან 7:26. მეორე დღეს კი რუმინეთის დამარცხების შემდეგ (24:7) ¼ ფინალის საგზური მოვიპოვეთ, თუმცა მეტოქე ტურნირის ერთ-ერთი ფავორიტი ესპანეთის ნაკრები გვერგო. ჩვენმა ბიჭებმა ფავორიტი ესპანეთი საკმაოდ იოლად 24:12 დაამარცხეს. ნახევარფინალში საფრანგეთის ნაკრები 14:7 დამარცხების შემდეგ კი ისტორიაში პირველად რაგბი ევროპის ფინალში თამაშის უფლებაც მოიპოვეს. სადაც როგორც უკვე ავღნიშნეთ დაძაბულ ბრძოლაში უძლიერეს ირლანდიასთან დავმარცხდით.
რაგბი ევროპის ჩემპიონატის მეორე ეტაპს გერმანია უმასპინძლებს. ტურნირი ჰამბურგში 7-9 ივლისს გაიმართება.
აღსანიშნავია ის ფაქტიც, რომ მანამდე ჩვენს ნაკრებს კიდევ ერთი მნიშვნელოვანი ტურნირი ელით. 25-27 ივნისს პოლონეთში, ქალაქ კრაკოვში ოლიმპიადის შესარჩევი ტურნირი გაიმართება. 12 გუნდიანი ჩემპიონატის (საქართველო,ბელგია, ჩეხეთი, ესპანეთი, დიდი ბრიტანეთი, გერმანია, ირლანდია, იტალია, ლიეტუვა, პოლონეთი, პორტუგალია და რუმინეთი) გამარჯვებული 2024 წლის პარიზის ოლიმპიადაზე იასპარეზებს.
ჩვენი ნაკრების შემადგენლობა: ნიკოლოზ რეხვიაშვილი (ყოჩები), ბექა გელხვიძე (ლელო), საბა კურტანიძე (ხვამლი), ლაშა კაკაურიძე (ხვამლი), სერგი ჩხაიძე (ყოჩები), სოსო მათიაშვილი (შავი ლომი), გიორგი ჯობავა (ხვამლი), ალექსანდრე ტატიშვილი (ყოჩები), ირაკლი სიმსივე (აია), გაგა ქევხიშვილი (ლელო), გიორგი ჭუაძე (აკადემია), ლაშა ლომიძე (შავი ლომი), გიორგი კურტანიძე (ლელო).
მწვრთნელები: ბესიკ ხამაშურიძე, გია ლაბაძე.
ავტორი
