კახოვკას კაშხლის აფეთქების შემდეგ დაახლოებით 700 000 ადამიანს არ აქვს სათანადო წვდომა სასმელ წყალზე მდინარის როგორც უკრაინის, ისე რუსეთის მიერ კონტროლირებად მხარეს.
ამის შესახებ გაეროს გენერალური მდივნის მოადგილემ ჰუმანიტარულ საკითხებში მარტინ გრიფიტსმა Associated Press-თან ინტერვიუში განაცხადა.
მისი თქმით, ასევე არის მნიშვნელოვანი სასოფლო-სამეურნეო მიწების დატბორვა და ზაპორიჟიეს ატომური ელექტროსადგურის გამაგრილებელი წყლით უზრუნველყოფის პრობლემა, რომელიც კაშხლიდან იყო მოწოდებული.
