ცენტრის ხელმძღვანელობა კი აცხადებს, რომ რამდენიმე თანამშრომელს ხელშეკრულების ვადა ამოეწურა. თუმცა “გურია ნიუსს” მათ ხელშეკრულების ოფიციალური დოკუმენტი ვერ წარუდგინეს და გაგვიცხადეს, რომ ხელშეკრულების მხოლოდ ელექტრონული ვერსია არსებობს, რომელზედაც თანამშრომლებს ხელი მოწერილი არ აქვთ.
უფროსი პედაგოგი თამუნა დუმბაძე: “8 იანვარს, როცა დავბრუნდით სამსახურში, ფინანსურმა მენეჯერმაჯუმბერ ლომაძემ გამოგვიცხადა, სამსახურიდან ხართ გათავისუფლებულიო. რის საფუძველზეო, რომ ვკითხეთ, გვიპასუხა, _ თქვენ ვერ შეასრულეთ ის მოვალეობები, რაც გაკისრიათო. ახლა უკვე მივმართავთ სასამართლოს.”
_თქვენი აზრით, რა იყო გათავისუფლების რეალური მიზეზი?
_ადრე ვიცი, რომ პოლიტიკური სარჩული მქონდა და ამის გამო სხვანაირად მიყურებდნენ, სხვათა შორის, ახლაც გრძელდებოდა ეს ყველაფერი.
_რაში გამოიხატებოდა?
_რა გაგიკეთათ ბიძინამ? მოგიმატათ ხელაფასები? _ასე გვეუბნებობდნენ ხელმძღვანელები. მე მათთან ხშირად შევდიოდი პოლემიკაში ამის გამო. ათი წელია ამ ბავშვებთან ვმუშაობ, თითოეული მათგანის სუნთქვა ვიცი, თვალდახუჭული ვიტყვი თითოეულ რა სჭირდება, რა უხარია და რა წყინს. მე ამ საქმეს ასე არ დავტოვებ, ხელშეკრულებები არ არსებობს, ეს სფერო სრულიად მოუწესრიგებელია.
ფსიქოლოგი თამარ აბაშმაძე: “8 იანვარს იყო თათბირი. მოულოდნელი იყო ჩვენთვის რომ გამოგვიცახდეს გათავისუფლებულები ხართო. მიზეზი გათავისუფლების ის იყო, რომ ხელშეკრულებას გაუვიდა ვადა და აღარ გიგრძელებთო. ჩემი აზრით, ეს იყო აბსურდული, უსაფუძვლო მიზეზი ჩვენი გათავისუფლების. მე მოვითხოვ მომცენ ოფიციალური საბუთი ჩემი გათავისუფლებისა, რაც არ არსებობს.”
ფინანსური მენეჯერი ჯუმბერ ლომაძე: “აგიხსნით ახლავე, მე კომპიუტერში მაქვს ჩადებული ხელშეკრულება, მაქვს 2009 და 2010 წლის გაფორმებული ხელშეკრულებები, 2011 და 2012 წლებში კი ავტომატურად გავაგრძელეთ. არ ამომიბეჭდია კომპიუტერიდან, ხელი არ მოუწერიათ, სიტყვიერად ვიყავით შეთანხმებული, იგივე პირობებით. ახლა, მაგათ რომ ჰგონიათ, რომ ხელშეკრულება არ არსებობს და ხელი არ აქვთ მოწერილი, ამით რა ზარალი ნახეს მაგათ, ვერ ვხდები. თუ მათთან ჩვენ ხელშეკრულებები არ გვქონდა გაფორმებული, ესე იგი თავისთავად მათ ჩვენთან არაფერი აკავშირებთ და თავისუფალნი არიან, როცა მინდა ვეტყვი, _ არ მოხვიდეთ მეთქი. მაგრამ მე მათ ვეუბნები, რომ მაქვს ხელშეკრულების ელექტრონული ვერსია.
ჩვენ ყოველ წელს ვაკეთებთ ერთწლიან ხელშეკრულებებს, ეს იყო პროექტი და დამთავრდა. ჩავატარეთ შემაჯამებელი თათბირი და ეს გამოვაცხადეთ. ვიღაცამ გაიგო, ვიღაცამ _ ვერა. 4 ადამიანთან მქონდა პირადი შენიშვნა, რაც ბავშვების თემას ეხება და დახურულია. მე ისინი გავუშვი. ორმა გაითვალისწინა ჩემი შენიშვნა და რჩევა და ისინი დაბრუნდნენ, ხოლო ორმა სხვა გზა აირჩია. რა გზა აირჩიეს, არ ვიცი. რაღაცას ეძებენ, ეძებონ რაც უნდათ. კი ბატონო. იმის გამო თუ მიდიან სასმართლოში, რომ ხელშეკრულებაზე ხელი არ გვქონდა მოწერილიო, კი ბატონო, წავიდნენ, მიმართონ სასამართლოს. ამით რა ზარალი ნახეს მაგათ, ვერ ვხდები რა, თუ რაიმე გადასახი დამეკისრება, იმასაც გადავიხდი.”
