საღამოს დაწყებამდე დეკანოზმა თომამ (სიხარულიძე) დალოცა ღონისძიების სტუმრები და მონაწილეები.
საკალანდო ინსცენირებით წარსდგა მაყურებლის წინაშე გოგი ცინცაძე, ზოია დუმბაძე, ნიკოლოზ ცინცაძე. ლამაზი სიმღერები შესთავაზეს შეკრებილთ ანსამბლებმა: “გურია”, “გურული ბიჭები”, ვოკალურმა ტრიომ, ნინო ბერძენიშვილმა, გუგა ანთიძემ, ეთო ბერძენიშვილმა, ნოდარ ცინცაძემ, ნინო ბარამიძემ და მაკა ცინცაძემ. ღონისძიებას განსაკუთრებული ხიბლი შესძინა აფხაზეთში დაღუპული გმირის ნუგზარ კიკვაძის შვილიშვილმა, “ანა-ბანას” გამარჯვებულმა, ანი ნუცუბიძემ.
საღამო დასამახსოვრებელი და განსაკუთრებული იყო იმითაც, რომ დასახელდნენ წლის საუკეთესო პროფესიონალები სხვადასხვა დარგში: წლის საუკეთესო ექიმები: ნინო კუტუბიძე და თამილა გაგუა, საუკეთესო სკოლის დირექტორი _ მალვინა ოსეფაიშვილი, კულტურის დამსახურებული მუშაკები: დოდო მამალაძე, ლეილა კოტრიკაძე, კულტურის ცენტრის რჩეული ოთარ ცინცაძე; სპორტსმენები: მოჭადრაკეები ზეინაბ ხვედელიძე და გივი ქორიძე; მუნიციპალიტეტის ღვაწლმოსილი ადამიანები: სულიკო ვაშალომიძე, სოსო ცინცაძე, რევაზ თედორაძე; უხუცესი ხელმძღვანელი _ ვარდო თოდრია; წლის საუკეთესო სამართალდამცველი _ გიორგი ტუნაძე; წლის საუკეთესო აღმზრდელი _ თინათინ ცხომელიძე; ბიზნესმენი _ სააქციო საზოგადოება “წყალი მარგებელის” დირექტორი, ლევან გოგოლაძე; მომღერალი: “ჯინსების თაობის” სოლისტი, ვიოლეტა მგალობლიშვილი, საუკეთესო ფინანსისტი _ ზურაბ შათირიშვილი, სოფლის მეურნეობის მუშაკი _ თემურ გუდავაძე; წლის საუკეთესო მშენებელი _ გურამ ჯიბლაძე.
ნომინაციებში გამარჯვებულებს გადაეცათ სიგელები და ფასიანი საჩუქრები.
ღონისძიების მსვლელობის დროს ჩატარდა გათამაშება, სადაც სამი პრიზი _ დივიდი, უთო და ელექტროჩაიდანი გათამაშდა.
ღონისძიების დასასრულს, მუნიციპალიტეტის მაჟორიტარმა დეპუტატმა, თემურ ჭკუასელმა კალანდა მიულოცა შეკრებილთ და მადლობა გადაუხადა კულტურის ცენტრის ხელმძღვანელებს ლამაზი ღონისძიების მოწყობისთვის.
