საჯარო სკოლებში მაინც ბევრი პრობლემა დგას: მოძველებული სასკოლო ინვენტარი, ნახევრად აყრილი იატაკი, ჩალეწილი ფანჯრები, ავარიული კიბეები… სასკოლო პროგრამების ხარვეზები, 12-წლიანი სწავლების შედეგები, ნაკლებვარგისი და ხშირადცვალებადი სასკოლო სახელმძღვანელოები, პირველკლასელთა მიღებისა და სწავლების მეთოდები, პედაგოგების დაბალი ანაზღაურება, სკოლების ტოტალური პოლიტიზაცია და უსიტყვო მორჩილების დამკვიდრება …. _ ასეთია საჯარო სკოლების დღევანდელი რეალობა, რომლის აღიარებას დირექტორები და პედაგოგები გაურბიან.
ოზურგეთის მუნიციპალიტეტის სოფელ მშვიდობაურის, ბახვის, ქვედა ბახვის, გაღმა დვაბზუს და დვაბზუს საჯარო სკოლებში “გურია ნიუსი” 10 მარტს იმყოფებოდა.
მშვიდობაურის საჯარო სკოლაში, მოსწავლეებს გაკვეთილის დაწყებას და დასრულებას, როგორც წლების წინ, ახლაც ხელით შემოსაკრავი ზარით ამცნობენ. “გურია ნიუსისა” და პედაგოგების შეხვედრას სკოლის დირექტორი არ ესწრებოდა, რადგან, ოჯახური პრობლემების გამო, ბათუმში იყო წასული.
_ ჩვენთან ცხრა კლასია. კომუნისტების პერიოდში 140 მოსწავლე გვყავდა, ახლა კი _ 46. ამის მიზეზი დემოგრაფიული პრობლემებია. რაც ხედავთ ეს არის _ შენობა ძველია, ასევე ინვენტარითაც ვერ დავიტრაბახებთ. ისე, ჩვენ არ გვაქვს უფლება, სკოლის დირექტორის გარეშე გაგესაუბროთ (?!) _ გვითხრეს პედაგოგებმა, თუმცა, არ დაუკონკრეტებიათ, ვისგან ან როდის მიიღეს ბრძანება, რომ მასწავლებელს, რომელსაც საქართველოში “ერის წინამძღვარსაც” კი უწოდებდნენ, დირექტორის გარეშე საუბრის უფლება არ აქვს!
სკოლაში 16 მასწავლებელი მუშაობს, აქედან ექვსი, პედაგოგების სასერთიფიკაციო გამოცდაზე აპირებს გასვლას.
სულ სხვა სიტუაცია დაგვხვდა ბახვის საჯარო სკოლაში _ სკოლის დირექტორი მზია ვაშალომიძე პრობლემებზე მეტად, წარმატებების შესახებ საუბრობს. ამაყობს, რომ ბახვის საჯარო სკოლაში 10 წელია მშვიდობის კორპუსის წარმომადგენლები მუშაობენ და მათი წყალობით, რამდენიმე მნიშვნელოვანი პროექტი გახორციელდა:
_ სკოლაში 180 მოსწავლე და 29 პედაგოგია, აქედან, სამი _ სერთიფიცირებული; წელს 10 პედაგოგი აპირებს გამოცდებზე გასვლას. ოცდათხუთმეტი მეთორმეტეკლასელიდან ოცდაოთხმა სურვილი გამოთქვა, ჩააბაროს ეროვნული გამოცდები, _ ამბობს “გურია ნიუსთან” საუბარში მზია ვაშალომიძე.
ის იმედოვნებს, რომ სკოლაში სარემონტო სამუშაოები მიმდინარე წელს ჩატარდება: _ უკვე გადავიღეთ სურათები და რესურსცენტრში გადავაგზავნეთ; ვიმედოვნებ, ამ ზაფხულში, ჩემი სკოლა ჩაისმება სარემონტო სკოლების ნუსხაში. არ ვიცი, რამდენად ხართ ინფორმირებულნი, მაგრამ, ამ სკოლაში ძალიან ცუდი სიტუაცია იყო. ახლა კი გამოიცვალა სახურავი და პირველი სართული გარემონტდა. ეს რომ არ მომხდარიყო, აქ სწავლა შეუძლებელი იქნებოდა. დანარჩენი ჩვენზეა დამოკიდებული, რას და როგორ გავაკეთებთ. სკოლის პრობლემაა დემოგრაფიული მდგომარეობა _ შარშან სკოლა 42 მეთორმეტეკლასელმა დაამთავრა და 7 პირველკლასელი მივიღეთ. წელს გავუშვებ 35 და, ამ ეტაპზე, ცხრა პირველკლასელის განცხადება მაქვს მიღებული, _ გვითხრა ბახვის საჯარო სკოლის დირექტორმა.
აღსანიშნავია, რომ სკოლაში სველი წერტილები მოწესრიგებულია, რომელიც “მშვიდობის კორპუსის” და სკოლის ყოფილი მოსწავლეების დამსახურებით გაკეთდა. წყალმომარაგების პრობლემა გადაჭრილია, თუმცა წყალი, რომელიც მიეწოდებათ, სასმელად უვარგისია, რის გამოც, სასადილოში წყალი მორიგე დამლაგებელს მოაქვს. როგორც სკოლაში გვითხრეს, ამის შესახებ მშობლები გაფრთხილებულნი არიან და მოსწავლეებს სასმელი წყალი თან დააქვთ.
ქვედა ბახვის საჯარო სკოლის დირექტორმა დოდო გოთუამ კი, ახალი ამბავი შესვლისთანავე გვახარა: სკოლას მთავარი პრობლემის მოგვარებაში, ამერიკელი მოქალაქე ფრენკ გრეკი ეხმარება და კვლავაც დაეხმარება:
_ ყველაფერი კარგი ხდება, სასიხარულო ცნობით შემიძლია დავიწყო თქვენთან საუბარი _ ჩვენთან არის სპორტდარბაზი, რომელიც სარემონტოა და მსგავსი სივრცის დარბაზი არც ერთ სკოლას არ აქვს. ქვედა ბახველმა ძმებმა ნაკაიძეებმა, რომლებიც ამჟამად ამერიკაში ცხოვრობენ, სკოლის პრობლემები ამერიკელ ფრენკ გრეკს გააცნეს. გრეკმა, პირველ ეტაპზე, 12 ათასი დოლარი გადმოურიცხა სკოლას და სპორტდარბაზი გადაიხურა, ახლა კი, მისივე წყალობით, მთლიანად გარემონტდება.
_ მადლობა ფრენკს! ქალბატონო დოდო, მოდით, ახლა იმ პრობლემებზე ვისაუბროთ, რაც სკოლაში დგას…
_ ინვენტარი მოძველებულია, როგორც სხვა სკოლებში.
_ განათლების სისტემაში გახორციელებულ ბოლო დროინდელ რეფორმებზე რას გვეტყოდით?
_ ძალიან კარგია პედაგოგების სერთიფიცირება, საატესტატო გამოცდებიც მისაღებია. ნიშნის გამოყვანის სისტემა ძალიან გართულებული იყო, მაგრამ, დაიხვეწა; ტრიმესტრული სწავლება არ მიგვაჩნდა მართებულად _ ცუდი შედეგები გამოიღო ფიზიკაში, ქიმიაში, ბიოლოგიაში.
დოდო გოთუას თქმით, სკოლაში ელექტროგაყვანილობა არ არის და იმედოვნებს, რომ უახლოეს ხანში, ამ პრობლემას მოაგვარებს.
თემურ მაისურაძე იმ სკოლის დირექტორის მოვალეობის შემსრულებელია, რომლის ფასადი შეღებილია, თუმცა საკლასო ოთახები სარემონტოა. შეიძლება ითქვას, რომ ამ სკოლის შენობა დღევანდელი ხელისუფლების “ფასადური პოლიტიკის” ნათელი მაგალითია. გაღმა დვაბზუს საჯარო სკოლის დირექტორის მოვალეობის შემსრულებელი ამბობს, რომ სასწავლო პროცესი გეგმის მიხედვით მიმდინარეობს: _ სკოლაში 100 მოსწავლე და 19 პედაგოგია. ამ ეტაპზე პირველკლასელთა რეგისტრაცია ექვსმა ბავშვმა გაიარა. 2008 წელს სკოლას ჩაუტარდა სარემონტო სამუშაოების პირველი ეტაპი. საწვიმარი მილი გაკეთდა, მაგრამ, საჭიროებს 7 მილის დამატებას _ როცა წვიმს, წყალი კედელს მოჰყვება, პირველ სართულზე შემოდის და დერეფანში დგება. პირველი ეტაპის ფარგლებში სახურავი, წინა ფასადი, ფანჯრები და მინები შეიცვალა ანუ რაც იყო გათვალისწინებული. იყო სამუშაოების გაგრძელების დაპირება, მაგრამ, ვერ მოხერხდა _ იმ წელს საქართველოში ომი დაიწყო, _ თქვა თემურ მაისურაძემ.
სკოლაში, ავარიულია მეორე სართულზე ასასვლელი კიბე. როგორც ბატონი თემური ამბობს, საკუთარი სახსრებით შეეცდებიან კიბის გამოცვლას.
ამ სკოლის ყოფილი დირექტორი, ქართული ენისა და ლიტერატურის პედაგოგი ლალი ბასილაშვილი “გურია ნიუსთან” გულახდილად საუბრობს და რამდენიმე უმნიშვნელოვანეს საკითხზე ამახვილებს ყურადღებას: _ ჩვენს სკოლაში ახლაც ის ავეჯი დგას, სკოლის აგების დროს რომ შემოიტანეს; ძალიან რთულ მდგომარეობაში ვართ _ ზაფხულში, მშობლების დახმარებით, ხან შეჭედვა გვიწევს, ხან გადაღებვა… განათლების მინისტრსაც დავუსვი ეს კითხვა და მაინტერესებს _ თუ მოსწავლეები თანასწორუფლებიანნი არიან, მაშინ, ჩვენი მოსწავლეებიც არიან ღირსნი, ახალი მერხები ჰქონდეთ და ნორმალურ გარემოში ისწავლონ! წელს ვაპირებ, ორ სასერთიფიკაციო გამოცდაზე გავიდე. პირველ რიგში, მასწავლებლისთვის სიახლეების გაცნობაა ძალიან მნიშვნელოვანი, ამიტომ, აუცილებელია შესაბამისი სახელმძღვანელოები, ინფორმაცია იყოს ხელმისაწვდომი _ ყველა მასწავლებელი ვერ ახერხებს საჭირო სახელმძღვანელოს და ლიტერატურის შეძენას. მასწავლებლის დახელოვნებაც კონკრეტულ მასწავლებელზე მორგებული უნდა იყოს. ერთკვირიანი კურსები, რომელიც ჩვენ გავიარეთ, არასაკმარისია _ თავი არ უნდა მოვიტყუოთ; რა ხდება იცით? ძალიან დიდი თანხით, ძალიან ცოტა სამუშაო სრულდება, _ მიიჩნევს ლალი ბასილაშვილი.
ქალბატონი ლალი მიიჩნევს, რომ კომპიუტერების სავალდებულო და საყოველთაო შემოღება პირველ კლასებში იწვევს ბავშვების აზროვნების გაზარმაცებას:
_ წიგნს კომპიუტერი ვერ ცვლის, კომპიუტერი მხოლოდ წიგნის დამხმარე შეიძლება იყოს. ვერც ერთი ჩვენგანი ვერ განსაზღვრავს, ვინ არის გენიოსი პირველკლასელ მოსწავლეებს შორის; პირველ კლასში კომპიუტერების შეტანა სწორედ იმ გენიოსის შესაძლებლობებს ჩაკლავს… საქართველოს ყველა პედაგოგის მოთხოვნა და აზრი არ გახლავთ, რომ პირველ კლასში კომპიუტერებით მოხდეს სწავლება _ ბევრს მიაჩნია, რომ პირველ კლასში “დედა ენა” უნდა ისწავლებოდეს! მოწინავე ტექნოლოგიების ქვეყნებშიც კი, კომპიუტერები დაწყებითი კლასების სასწავლო პროგრამიდან გამოდევნეს, რადგან სასიკეთო შედეგი ვერ მიიღეს! _ დასძენს ბასილაშვილი.
დვაბზუს საჯარო სკოლის დირექტორი ადგილზე არ დაგვხვდა. პედაგოგების თქმით კი, 25 პედაგოგი 205 მოსწავლეს ასწავლის.
სკოლის შენობა სოფლის ცენტრში ბუმბერაზ მუხასავით დგას, მაგრამ ისიც, სხვა სკოლებივით სარემონტოა და ახალი ინვენტარით შესავსები:
_ სიამაყით შეგვიძლია ვთქვათ, მოსწავლეები აქტიურად არიან ჩაბმულები სკოლის ცხოვრებაში; გვაქვს გარკვეული წარმატებები _ სკოლის სამი მოსწავლე სასკოლო ოლიმპიადის მესამე ტურში არიან გადასული. წარჩინებულ მოსწავლეს ანა ოთხმეზურს პრეზიდენტისგან კომპიუტერი ერგო. შეძლებისდაგვარად მივყევით განათლებაში გახორციელებულ რეფორმებს; რაც მთავარია, სასწავლო პროცესი კარგად მიმდინარეობს _ გაკვეთილები არ ცდება, ვემზადებით საატესტატო გამოცდებისთვის, _ აღნიშნეს პედაგოგებმა და აქვე დასძინეს, რომ ძალიან ბევრი პრობლემა აქვთ: სკოლა ავარიულ მდგომარეობაშია. უპირველესად სკოლის სახურავი უნდა შეკეთდეს, წვიმის დროს რამდენიმე კაბინეტის ჭერი დაზიანდა, დერეფანი და კარ-ფანჯრებიც დაზიანებულია. არავითარი შედეგი არ ჩანს, შეძლებისდაგვარად ვცდილობთ, რომ შევინარჩუნოთ ის, რაც გვაქვს, _ გაგვიმხილეს ჭირ-ვარამი მასწავლებლებმა.
მათ გურიის გუბერნატორის ვალერი ჩიტაიშვილის საარჩევნო დაპირებაც არ ავიწყდებათ: “სკოლის სახურავის პრობლემას აუცილებლად მოგიგვარებთო, შეგვპირდა…”
“აშენდა 28 ახალი, ხოლო კაპიტალურად გარემონტდა 180 სკოლა და 70-ში მიმდინარეობს რემონტი. 280 სკოლაში შეტანილია 1500 კომპიუტერი, ხოლო, მომავალ წელს სრულად დამთავრდება ყველა სკოლის კომპიუტერიზაციის და ინტერნეტიზაციის პროგრამა. მომავალ წელს, უმაღლეს დონეზე გარემონტდება 300 და აშენდება ათეულობით ახალი სკოლა,” _ ვკითხულობთ ბუკლეტში, რომელიც “ნაციონალურმა მოძრაობამ”, 23 ნოემბრის აღსანიშნავად, ჯერ კიდევ არჩევნებამდე, ასიათასობით ტირაჟით დაბეჭდა და მოსახლეობას ამცნო იმ 16 გამარჯვების შესახებ, რაც საქართველოს ვარდების რევოლუციამ მოუტანა. თუმცა, როგორც ხედავთ, მმართველი პარტიის სლოგანის პერიფრაზი ასე ჟღერს: “გაუკეთებელი მართლაც ბევრია!”
მშვიდობაურის საჯარო სკოლაში, მოსწავლეებს გაკვეთილის დაწყებას და დასრულებას, როგორც წლების წინ, ახლაც ხელით შემოსაკრავი ზარით ამცნობენ. “გურია ნიუსისა” და პედაგოგების შეხვედრას სკოლის დირექტორი არ ესწრებოდა, რადგან, ოჯახური პრობლემების გამო, ბათუმში იყო წასული.
_ ჩვენთან ცხრა კლასია. კომუნისტების პერიოდში 140 მოსწავლე გვყავდა, ახლა კი _ 46. ამის მიზეზი დემოგრაფიული პრობლემებია. რაც ხედავთ ეს არის _ შენობა ძველია, ასევე ინვენტარითაც ვერ დავიტრაბახებთ. ისე, ჩვენ არ გვაქვს უფლება, სკოლის დირექტორის გარეშე გაგესაუბროთ (?!) _ გვითხრეს პედაგოგებმა, თუმცა, არ დაუკონკრეტებიათ, ვისგან ან როდის მიიღეს ბრძანება, რომ მასწავლებელს, რომელსაც საქართველოში “ერის წინამძღვარსაც” კი უწოდებდნენ, დირექტორის გარეშე საუბრის უფლება არ აქვს!
სკოლაში 16 მასწავლებელი მუშაობს, აქედან ექვსი, პედაგოგების სასერთიფიკაციო გამოცდაზე აპირებს გასვლას.
სულ სხვა სიტუაცია დაგვხვდა ბახვის საჯარო სკოლაში _ სკოლის დირექტორი მზია ვაშალომიძე პრობლემებზე მეტად, წარმატებების შესახებ საუბრობს. ამაყობს, რომ ბახვის საჯარო სკოლაში 10 წელია მშვიდობის კორპუსის წარმომადგენლები მუშაობენ და მათი წყალობით, რამდენიმე მნიშვნელოვანი პროექტი გახორციელდა:
_ სკოლაში 180 მოსწავლე და 29 პედაგოგია, აქედან, სამი _ სერთიფიცირებული; წელს 10 პედაგოგი აპირებს გამოცდებზე გასვლას. ოცდათხუთმეტი მეთორმეტეკლასელიდან ოცდაოთხმა სურვილი გამოთქვა, ჩააბაროს ეროვნული გამოცდები, _ ამბობს “გურია ნიუსთან” საუბარში მზია ვაშალომიძე.
ის იმედოვნებს, რომ სკოლაში სარემონტო სამუშაოები მიმდინარე წელს ჩატარდება: _ უკვე გადავიღეთ სურათები და რესურსცენტრში გადავაგზავნეთ; ვიმედოვნებ, ამ ზაფხულში, ჩემი სკოლა ჩაისმება სარემონტო სკოლების ნუსხაში. არ ვიცი, რამდენად ხართ ინფორმირებულნი, მაგრამ, ამ სკოლაში ძალიან ცუდი სიტუაცია იყო. ახლა კი გამოიცვალა სახურავი და პირველი სართული გარემონტდა. ეს რომ არ მომხდარიყო, აქ სწავლა შეუძლებელი იქნებოდა. დანარჩენი ჩვენზეა დამოკიდებული, რას და როგორ გავაკეთებთ. სკოლის პრობლემაა დემოგრაფიული მდგომარეობა _ შარშან სკოლა 42 მეთორმეტეკლასელმა დაამთავრა და 7 პირველკლასელი მივიღეთ. წელს გავუშვებ 35 და, ამ ეტაპზე, ცხრა პირველკლასელის განცხადება მაქვს მიღებული, _ გვითხრა ბახვის საჯარო სკოლის დირექტორმა.
აღსანიშნავია, რომ სკოლაში სველი წერტილები მოწესრიგებულია, რომელიც “მშვიდობის კორპუსის” და სკოლის ყოფილი მოსწავლეების დამსახურებით გაკეთდა. წყალმომარაგების პრობლემა გადაჭრილია, თუმცა წყალი, რომელიც მიეწოდებათ, სასმელად უვარგისია, რის გამოც, სასადილოში წყალი მორიგე დამლაგებელს მოაქვს. როგორც სკოლაში გვითხრეს, ამის შესახებ მშობლები გაფრთხილებულნი არიან და მოსწავლეებს სასმელი წყალი თან დააქვთ.
ქვედა ბახვის საჯარო სკოლის დირექტორმა დოდო გოთუამ კი, ახალი ამბავი შესვლისთანავე გვახარა: სკოლას მთავარი პრობლემის მოგვარებაში, ამერიკელი მოქალაქე ფრენკ გრეკი ეხმარება და კვლავაც დაეხმარება:
_ ყველაფერი კარგი ხდება, სასიხარულო ცნობით შემიძლია დავიწყო თქვენთან საუბარი _ ჩვენთან არის სპორტდარბაზი, რომელიც სარემონტოა და მსგავსი სივრცის დარბაზი არც ერთ სკოლას არ აქვს. ქვედა ბახველმა ძმებმა ნაკაიძეებმა, რომლებიც ამჟამად ამერიკაში ცხოვრობენ, სკოლის პრობლემები ამერიკელ ფრენკ გრეკს გააცნეს. გრეკმა, პირველ ეტაპზე, 12 ათასი დოლარი გადმოურიცხა სკოლას და სპორტდარბაზი გადაიხურა, ახლა კი, მისივე წყალობით, მთლიანად გარემონტდება.
_ მადლობა ფრენკს! ქალბატონო დოდო, მოდით, ახლა იმ პრობლემებზე ვისაუბროთ, რაც სკოლაში დგას…
_ ინვენტარი მოძველებულია, როგორც სხვა სკოლებში.
_ განათლების სისტემაში გახორციელებულ ბოლო დროინდელ რეფორმებზე რას გვეტყოდით?
_ ძალიან კარგია პედაგოგების სერთიფიცირება, საატესტატო გამოცდებიც მისაღებია. ნიშნის გამოყვანის სისტემა ძალიან გართულებული იყო, მაგრამ, დაიხვეწა; ტრიმესტრული სწავლება არ მიგვაჩნდა მართებულად _ ცუდი შედეგები გამოიღო ფიზიკაში, ქიმიაში, ბიოლოგიაში.
დოდო გოთუას თქმით, სკოლაში ელექტროგაყვანილობა არ არის და იმედოვნებს, რომ უახლოეს ხანში, ამ პრობლემას მოაგვარებს.
თემურ მაისურაძე იმ სკოლის დირექტორის მოვალეობის შემსრულებელია, რომლის ფასადი შეღებილია, თუმცა საკლასო ოთახები სარემონტოა. შეიძლება ითქვას, რომ ამ სკოლის შენობა დღევანდელი ხელისუფლების “ფასადური პოლიტიკის” ნათელი მაგალითია. გაღმა დვაბზუს საჯარო სკოლის დირექტორის მოვალეობის შემსრულებელი ამბობს, რომ სასწავლო პროცესი გეგმის მიხედვით მიმდინარეობს: _ სკოლაში 100 მოსწავლე და 19 პედაგოგია. ამ ეტაპზე პირველკლასელთა რეგისტრაცია ექვსმა ბავშვმა გაიარა. 2008 წელს სკოლას ჩაუტარდა სარემონტო სამუშაოების პირველი ეტაპი. საწვიმარი მილი გაკეთდა, მაგრამ, საჭიროებს 7 მილის დამატებას _ როცა წვიმს, წყალი კედელს მოჰყვება, პირველ სართულზე შემოდის და დერეფანში დგება. პირველი ეტაპის ფარგლებში სახურავი, წინა ფასადი, ფანჯრები და მინები შეიცვალა ანუ რაც იყო გათვალისწინებული. იყო სამუშაოების გაგრძელების დაპირება, მაგრამ, ვერ მოხერხდა _ იმ წელს საქართველოში ომი დაიწყო, _ თქვა თემურ მაისურაძემ.
სკოლაში, ავარიულია მეორე სართულზე ასასვლელი კიბე. როგორც ბატონი თემური ამბობს, საკუთარი სახსრებით შეეცდებიან კიბის გამოცვლას.
ამ სკოლის ყოფილი დირექტორი, ქართული ენისა და ლიტერატურის პედაგოგი ლალი ბასილაშვილი “გურია ნიუსთან” გულახდილად საუბრობს და რამდენიმე უმნიშვნელოვანეს საკითხზე ამახვილებს ყურადღებას: _ ჩვენს სკოლაში ახლაც ის ავეჯი დგას, სკოლის აგების დროს რომ შემოიტანეს; ძალიან რთულ მდგომარეობაში ვართ _ ზაფხულში, მშობლების დახმარებით, ხან შეჭედვა გვიწევს, ხან გადაღებვა… განათლების მინისტრსაც დავუსვი ეს კითხვა და მაინტერესებს _ თუ მოსწავლეები თანასწორუფლებიანნი არიან, მაშინ, ჩვენი მოსწავლეებიც არიან ღირსნი, ახალი მერხები ჰქონდეთ და ნორმალურ გარემოში ისწავლონ! წელს ვაპირებ, ორ სასერთიფიკაციო გამოცდაზე გავიდე. პირველ რიგში, მასწავლებლისთვის სიახლეების გაცნობაა ძალიან მნიშვნელოვანი, ამიტომ, აუცილებელია შესაბამისი სახელმძღვანელოები, ინფორმაცია იყოს ხელმისაწვდომი _ ყველა მასწავლებელი ვერ ახერხებს საჭირო სახელმძღვანელოს და ლიტერატურის შეძენას. მასწავლებლის დახელოვნებაც კონკრეტულ მასწავლებელზე მორგებული უნდა იყოს. ერთკვირიანი კურსები, რომელიც ჩვენ გავიარეთ, არასაკმარისია _ თავი არ უნდა მოვიტყუოთ; რა ხდება იცით? ძალიან დიდი თანხით, ძალიან ცოტა სამუშაო სრულდება, _ მიიჩნევს ლალი ბასილაშვილი.
ქალბატონი ლალი მიიჩნევს, რომ კომპიუტერების სავალდებულო და საყოველთაო შემოღება პირველ კლასებში იწვევს ბავშვების აზროვნების გაზარმაცებას:
_ წიგნს კომპიუტერი ვერ ცვლის, კომპიუტერი მხოლოდ წიგნის დამხმარე შეიძლება იყოს. ვერც ერთი ჩვენგანი ვერ განსაზღვრავს, ვინ არის გენიოსი პირველკლასელ მოსწავლეებს შორის; პირველ კლასში კომპიუტერების შეტანა სწორედ იმ გენიოსის შესაძლებლობებს ჩაკლავს… საქართველოს ყველა პედაგოგის მოთხოვნა და აზრი არ გახლავთ, რომ პირველ კლასში კომპიუტერებით მოხდეს სწავლება _ ბევრს მიაჩნია, რომ პირველ კლასში “დედა ენა” უნდა ისწავლებოდეს! მოწინავე ტექნოლოგიების ქვეყნებშიც კი, კომპიუტერები დაწყებითი კლასების სასწავლო პროგრამიდან გამოდევნეს, რადგან სასიკეთო შედეგი ვერ მიიღეს! _ დასძენს ბასილაშვილი.
დვაბზუს საჯარო სკოლის დირექტორი ადგილზე არ დაგვხვდა. პედაგოგების თქმით კი, 25 პედაგოგი 205 მოსწავლეს ასწავლის.
სკოლის შენობა სოფლის ცენტრში ბუმბერაზ მუხასავით დგას, მაგრამ ისიც, სხვა სკოლებივით სარემონტოა და ახალი ინვენტარით შესავსები:
_ სიმაყით შეგვიძლია ვთქვათ, მოსწავლეები აქტიურად არიან ჩაბმულები სკოლის ცხოვრებაში; გვაქვს გარკვეული წარმატებები _ სკოლის სამი მოსწავლე სასკოლო ოლიმპიადის მესამე ტურში არიან გადასული. წარჩინებულ მოსწავლეს ანა ოთხმეზურს პრეზიდენტისგან კომპიუტერი ერგო. შეძლებისდაგვარად მივყევით განათლებაში გახორციელებულ რეფორმებს; რაც მთავარია, სასწავლო პროცესი კარგად მიმდინარეობს _ გაკვეთილები არ ცდება, ვემზადებით საატესტატო გამოცდებისთვის, _ აღნიშნეს პედაგოგებმა და აქვე დასძინეს, რომ ძალიან ბევრი პრობლემა აქვთ: სკოლა ავარიულ მდგომარეობაშია. უპირველესად სკოლის სახურავი უნდა შეკეთდეს, წვიმის დროს რამდენიმე კაბინეტის ჭერი დაზიანდა, დერეფანი და კარ-ფანჯრებიც დაზიანებულია. არავითარი შედეგი არ ჩანს, შეძლებისდაგვარად ვცდილობთ, რომ შევინარჩუნოთ ის, რაც გვაქვს, _ გაგვიმხილეს ჭირ-ვარამი მასწავლებლებმა.
მათ გურიის გუბერნატორის ვალერი ჩიტაიშვილის საარჩევნო დაპირებაც არ ავიწყდებათ: “სკოლის სახურავის პრობლემას აუცილებლად მოგიგვარებთო, შეგვპირდა…”
“აშენდა 28 ახალი, ხოლო კაპიტალურად გარემონტდა 180 სკოლა და 70-ში მიმდინარეობს რემონტი. 280 სკოლაში შეტანილია 1500 კომპიუტერი, ხოლო, მომავალ წელს სრულად დამთავრდება ყველა სკოლის კომპიუტერიზაციის და ინტერნეტიზაციის პროგრამა. მომავალ წელს, უმაღლეს დონეზე გარემონტდება 300 და აშენდება ათეულობით ახალი სკოლა,” _ ვკითხულობთ ბუკლეტში, რომელიც “ნაციონალურმა მოძრაობამ”, 23 ნოემბრის აღსანიშნავად, ჯერ კიდევ არჩევნებამდე, ასიათასობით ტირაჟით დაბეჭდა და მოსახლეობას ამცნო იმ 16 გამარჯვების შესახებ, რაც საქართველოს ვარდების რევოლუციამ მოუტანა. თუმცა, როგორც ხედავთ, მმართველი პარტიის სლოგანის პერიფრაზი ასე ჟღერს: “გაუკეთებელი მართლაც ბევრია!”
