“ახალ ხელისუფლებას 21 500 პატიმარი დახვდა. ამ დროისათვის კი რჩება დაახლოებით 16 ათასი პატიმარი და ჩემი ვარაუდით ამნისტიის დასრულების შემდეგ დაახლოებით 14 ათასი პატიმარი გვეყოლება.“-აცხადებს სუბარი.
სასჯელაღსრულების მინისტრის თქმით, ამნისტიის ფარგლებში დღეში საშუალოდ 300-400 პატიმარი ტოვებს ციხეს, რაც სასამართლოს დამსახურებაცაა.
“სასამართლოები ძალიან ეფექტურად მუშაობენ, შეცდომებიც თითქმის არ არის. იყო მცირე შეცდომები დოკუმენტაციაში და ეს ხარვეზი იმავე დღეს აღმოიფხვრა. სერიოზული შეცდომები არ მომხდარა.”-აცხადებს სოზარ სუბარი.
