ამის შესახებ საუბარია სპეციალურ განცხადებაში, რომელიც კომისიის ვებგვერდზე გამოქვეყნდა. განცხადება ვენეციის კომისიის პრეზიდენტის ჯანი ბუკიკიოს საქართველოში ვიზის აჯამებს და ხელისუფლებას და ოპოზიციას კვლავ მოუწოდებს კოჰაბიტაციისაკენ.
“რაც შეეხება მოკლევადიან საკონსტიტუციო ცვლილებებს, ბუკიკიომ განაცხადა რომ მათი გატარება 2013 წლის ოქტომბრამდე უკიდურესად აუცილებელია, რათა ქვეყანაში შენარჩუნდეს ხელისუფლებისა და პარლამენტის სტაბილურობა.ეს ცვლილებები შეზღუდავს პრეზიდენტის ამჟამინდელ უფლებას დანიშნოს მთავრობა პარლამენტის თანხმობის გარეშე , რაც გაკრიტიკებული იყო 2004 წელს ვენეციის კომისიის მიერ,” _ ნათქვამია განცხადებაში.
ამავე დროს ვენეციის კომისია თვლის, რომ რეფორმების ნაჩქარევად გატარება სახიფათოა და მხარეებს ფართო კონსენსუსისაკენ მოუწოდებს განსაკუთრებით საკონსტიტუციო ცვლილებებთან დაკავშირებით.
“საკონსტიტუციო ცვლილებების გატარება აუცილებელია პრეზიდენტის ძალაუფლების დასაბალანსებლად, რაც 2004 წლის შემდეგ დარღვეული იყო. ცვლილებები ყველა პოლიტიკურ ძალასთან და სამოქალაქო საზოგადოებასთან შეთანხმებით უნდა ჩამოყალიბდეს რათა ეს იყოს ქართველი ხალხის გამაერთიანებელი კანონი.
რაც შეეხება საკანონმდებლო ცვლილებას საერთო სასამართლოების შესახებ და ასევე კანონს ამნისტიის შესახებ, ბატონმა ბუკიკიომ განაცხადა, რომ კომისიის ექსპერტები საქართველოს 6-7 თებერვალს ეწვევიან, რა დროსაც შეხვდებიან ხელისუფლების წარმომადგენლებს ტექნიკურ საკითხებზე. მარტის თვისთვის კომისია საკანონმდებლო ცვლილებებთან დაკავშირებით დასკვნას მოამზადებს. ჯანი ბუკიკიო ხაზს უსვამს , რომ მართლმსაჯულების რეფორმა კანონის უზენაესობის დაცვით უნდა გატარდეს, რაც იმას ნიშნავს, რომ იუსტიციის საბჭოს ამჟამინდელი წევრებს უფლებამოსილება ვადის ამოწურვამდე არ უნდა შეუწყდეთ.
