2013 წლის 1 მარტიდან, ყოფილ თანამშრომლებზე, რომელთა მიმართაც 1998, 1999, 2000 და 2003 წლებში სახელფასო დავალიანება არსებობდა, კუთვნილი თანხის გაცემა დაიწყება.
დავალიანება გაიცემა ყოფილი თანამშრომლის ან მისი სამართალმემკვიდრის განცხადების საფუძველზე. განცხადება სსიპ საქართველოს ეროვნული არქივის ხელმძღვანელის სახელზე უნდა დაიწეროს (მისამართი: თბილისი, ვაჟა ფშაველას გამზირი, #1.). თანხა განცხადებაში მითითებულ საბანკო რეკვიზიტებზე ჩაირიცხება.
აღსანიშნავია, რომ ყოფილი თანამშრომლების უმეტეს ნაწილზე დავალიანება გასულ წლებში ეროვნულმა არქივმა უკვე გასცა. იუსტიციის მინისტრის თეა წულუკიანის გადაწყვეტილებით, კი არქივი ამჯერად იმ 88 პირის, ან მათი სამართალმემკვიდრეების მოძიებას ცდილობს, ვისთან დაკავშირებაც აქამდე ვერ მოხერხდა. 88 პირზე გასაცემი თანხა 18 149.50 ლარს შეადგენს.
ყოფილი თანამშრომლების სახელები და გვარები გამოქვეყნებულია იუსტიციის სამინისტროს და სსიპ ეროვნული არქივის ვებ-გვერდებზე. ასევე, იუსტიციის სამინისტროს და ეროვნული არქივის ფეისბუქის ოფიციალურ გვერდებზე.
