მინისტრის თქმით, აქამდე არსებული პრაქტიკით, ღონისძიებების უსაფრთხოებას , სადაც პრეზიდენტი მონაწილეობდა, დაცვის სპეციალური სამსახური უზრუნველყოფდა. მინისტრის თქმით, გასული წლის ოქტომბრიდან დაცვის სამსახურმა გაწყვიტა ინტენსიური ოპერატიული კავშირი შინაგან საქმეთა სამინისტროსთან და გარკვეულ ფლანგზე პრივატულ რეჟიმში დაიწყო ფუნქციონირება, რაც საფრთხის შემცველია ქვეყნისთვის.
“დაცვის სამსახურმა ერთი დღით ადრე იცოდა, რომ პრეზიდენტი აპირებდა ეროვნულ ბიბლიოთეკაში სიტყვით გამოსვლას. მიუხედავად ამისა, მან არ გაატარა საჭირო ღონისძიებები. დაცვის სახელმწიფო სამსახურს ძალოვან უწყებებთან ერთად უნდა შეემუშავებინა ერთბლივი დაცვითი ღონისძიებების განხორციელების გემა . სახელმწიფო დაცვის სამსახურმა მხოლოდ დღის სამი საათისთვის მოითხოვა საპატრულო პოლიციის ერთი ეკიპაჟის და რაიონული პოლიციის თანამშრომლების ადგილზე გამოცხადება. ადგილზე მისულმა პოლიციამ იმოქმედა სიტუაციური რეაგირების რეჟიმში, ამას გარდა ჩემი ბრძანების თანახმად, ნაცვლად 1 ეკიპაჟისა, ადგილზე მივიდა 55 ეკიპაჟი, კრიმინალური პოლიციისა და მთავარი სამმართველოს თანამშრომლები. სახელმწიფო დაცვის არასწორმა ქმედებამ თუ უმოქმედობამ გამოიწვია დაცვის ერთიანი რეჟიმის რღევა” _ განაცხადა მინისტრმა დიპლომატებთან შეხვედრისას.
შინაგან საქმეთა მინისტრმა დიპლომატებს 8 თებერვილის ინცინდენტის ამსახველი ვრცელი ვიდეო წარუდგინა, სადაც “ნაციონალური მოძრაობის” მხარდამჭერების და საპარლამენტო უმცირესობის წევრების აგრესიულობაზე მიუთითა.
მინისტრის თქმით ამ დროისათვის ინცინდენტთან დაკავშირებით დაკითხულია 43 მოქალაქე. დაკავებულია -2 .
ღარიბაშვილის შეფასებით, გიგი უგულავას დაკითხვაზე გამოუცხადებლობა პირდაპირი დარტყმაა სახელმწიფო ინსტიტუტებზე.
