რუსული გაზისგან სრული ენერგეტიკული დამოუკიდებლობის მოთხოვნით, ევროპაში რუსეთის ენერგეტიკული შანტაჟისა და უკრაინის ომის საპასუხოდ, ლიტვამ მთლიანად უარი თქვა რუსული გაზზე. ლიეტუვის გაზის გადამცემი სისტემა ამ თვის(აპრილი) დასაწყისიდან რუსული გაზის იმპორტი არ განუხორცილებია. – ამის შესახებ ლიეტუვის ენერგეტიკის სამინისტროს განცხადებაში წერია.
ლიეტუვას ენერგეტიკის სამინისტროს განცხადებით, ამას ადასტურებს ლიეტუვას გაზის გადამცემი სისტემის ოპერატორის Amber Grid-ის მონაცემები, რომელიც აჩვენებს, რომ 2 აპრილს ლიტვის საჭიროებისთვის რუსული გაზის იმპორტი ლიტვა-ბელორუსიის ურთიერთკავშირით 0 მგვტ/სთ-ს უდრიდა.
“ლიეტუვის გაზის ყველა მოთხოვნა დაკმაყოფილებულია კლაიპედას თხევადი ბუნებრივი აირის (LNG) ტერმინალის მეშვეობით. თხევადი ბუნებრივი გაზის ტერმინალის ოპერატორის Klaipedos Nafta-ს მიერ გამოცხადებულ ოფიციალურ განრიგში ჩანს, რომ თხევადი ბუნებრივი აირის სამი დიდი ტვირთი ყოველთვიურად მიაღწევს ტერმინალს, რაც საკმარისი იქნება ყველა მომხმარებლისთვის. საჭიროების შემთხვევაში, გაზის მიწოდება შესაძლებელია ლატვიიდან, ხოლო 1 მაისიდან – პოლონეთიდან”, _ წერია განცხადებაში.
ენერგეტიკის მინისტრი დაინიუს კრეივისი ამბობს, რომ ეს არის გარდამტეხი მომენტი ლიეტუვის ენერგეტიკული დამოუკიდებლობის ისტორიაში
„ჩვენ ვართ პირველი ევროკავშირის ქვეყანა გაზპრომის მიმწოდებელ ქვეყნებს შორის, რომელმაც მოიპოვა დამოუკიდებლობა რუსული გაზის მიწოდებისგან და ეს არის მრავალწლიანი თანმიმდევრული შედეგი. ენერგეტიკული პოლიტიკა და დროული ინფრასტრუქტურული გადაწყვეტილებები“ – განაცხადა ენერგეტიკის მინისტრმა.
აღსანიშნავია, რომ ლიეტუვა ევროკავშირში პირველი ქვეყანაა, რომელმაც რუსულ გაზზე უარი თქვა. ქვეყნის პრეზიდენტი მსგავსი ნაბიჯის გადადგმისკენ ევროპის სხვა ქვეყნებსაც მოუწოდებს.
“ამ თვიდან ლიეტუვაში რუსული გაზი აღარ იქნება. წლების წინ ჩემმა ქვეყანამ მიიღო გადაწყვეტილებები, რომლებიც დღეს გვაძლევს საშუალებას, რომ ყოველგვარი ტკივილის გარეშე გავწყვიტოთ ენერგეტიკული კავშირები აგრესორთან. თუ ეს ჩვენ შეგვიძლია, ამის გაკეთება დანარჩენ ევროპასაც შეუძლია”, _ წერს გიტანას ნაუსედა.
