_ მოვიდნენ ჩემთვის უცნობი პირები და პირდაპირ მითხრეს, რომ ხორცის რეალიზატორები იყვნენ, ოღონდ არ დააკონკრეტეს სად მუშაობდნენ. მათ უნდოდათ რამდენიმე ტონა საკლავზე გამეკეთებინა საბუთი, რაზეც ჩემგან ცივი უარი მიიღეს. საქონელს როდესაც კლავს თუნდაც ჩემი მეზობელი, ყველაფერი კანონის ფარგლებში ხდება და შესაბამისი აქტი მზადდება. ვკითხე, ვინ მისცა ჩემი მისამართი, რაზეც ასე მიპასუხეს: “კაცო, შენ თუ არ შეგიძლია, სხვა გააკეთებსო” _ გვითხრა გოჩა შარაშენიძემ.
სოფლის რწმუნებულმა დაუპატიჟებელი სტუმრების მანქანის სერია და ტელეფონის ნომერი ჩაინიშნა და საქმის კურსში ოზურგეთის მუნიციპალიტეტის გამგებლის მოვალეობის შემსრულებლის მოადგილე, გიორგი ღურჭუმელიძე ჩააყენა.
ოზურგეთის მუნიციპალიტეტის გამგებლის მოვალეობის შემსრულებლის მოადგილის, გიორგი ღურჯუმელიძის თქმით, მას ნამდვილად დაუკავშირდა ამ საკითხთან დაკავშირებით გოჩა შარაშენიძე.
_ ოზურგეთის მუნიციპალიტეტის გამგეობის ადმინისტრაციის უფროსს ვაცნობე ამის შესახებ და ის ყველა რწმუნებულს დაუკავშირდა. თუ მსგავს ფაქტს ადგილი კიდევ ექნება, შესაბამის ორგანოებს დაუკავშირდნენ _ გვითხრა გიორგი ღურჯუმელიძემ.
საინეტერსოა ერთი ფაქტორი, “გურია ნიუსისთვის” ცნობილი ხდება, რომ გოჩა შარაშენიძის გათავისუფლება იგეგმება, რადგან ის არჩევნების პერიოდში “ერთიანი ნაციონალური მოძრაობის” მხარდამჭერი იყო. როგორც ვიცით, ის წასვლას არ გეგმავს.
ჩვენს კითხვაზე, იყვნენ თუ არა უცნობი პირები მასთან სპეციალურად მიგზავნილები, გოჩა შარაშენიძემ განაცხადა: _ არ ვიცი, ამაზე რა გიპასუხოთ, რაც მოხდა ის გითხარით…
