“უდიდესი სამუშაო შეასრულა პარლამენტის თავმჯდომარემ, რომელმაც აწარმოა მოლაპარაკების პროცესი ოპოზიციასთან საკონსტიტუციო ცვლილებებთან დაკავშირებით შეთანხმების მიღწევისთვის. დავით უსუფაშვილი მოქმედებდა ქვეყნის ინტერესებისა და თანაცხოვრების პრინციპების სრული დაცვით.
სამწუხაროდ, როგორც რეალობა გვაჩვენებს, ოპოზიციის სახით ჩვენ საქმე გვაქვს ქვეყნის საზიანო დესტრუქციულ ძალასთან, რომლის ერთადერთი მიზანია გაექცეს იმ სამართლებრივ პასუხისმგებლობას, რომელიც შესაძლოა დაეკისროს ხელისუფლებაში ყოფნისას ნაციონალურ მოძრაობასთან დაკავშირებულ პირებს. ყოფილი მმართველი პარტია ათასგვარი ბინძური ხერხებითა და პროვოკაციით ცდილობს “ქართული ოცნებას” ხელი შეუშალოს ქვეყნის ეფექტურ მართვაში, მაგრამ მათ არაფერი არც გამოსდით და არც გამოუვათ.
“ნაციონალური მოძრაობის” მოთხოვნა მოხელეთა უპირობო და საყოველთაო ამნისტიის შესახებ ვერ განხორციელდება. ჩვენი მიზანი და დაპირება არის სამართლიანობის აღდგენა და ამას აუცილებლად მივიყვანთ ბოლომდე.” _ წერს კახა კალაძე თავის ოფიციალურ “ფეისბუქზე.”
