და დაფიქრებისაკენ მოუწოდებს.
საუბარია დაკიდულ ხიდზე, რომელიც დიღომში ვეფხისა და მოყმის ძეგლთან უნდა აშენებულიყო და გიგი უგულავას თქმით დიდუბის განვითარებაში გადამწყვეტი როლი ეთამაშა.
“აზიის განვითარების ბანკი არა თუ თანახმა იყო, მთელი რიგი პროცედურებია ჩატარებული. დარჩენილი იყო მხოლოდ ტენდერის ჩატარება, მაგრამ რამდენიმე დღის წინ ინფრასტრუქტურის სამინისტრომ განაცხადა, რომ არ აპირებს ხიდის მშენებლობას. მათი მოსაზრებით, ხიდი გამოიწვევს საცობს. ვეფხისა და მოყმის ძეგლის მიმდებარე ტერიტორია თბილისში ყველაზე მძიმე კვანძს წარმოადგენს, ამიტომ ჩვენი გეგმა იყო, აშენებულიყო სამანქანო ხიდი, რომელიც მარჯვენა და მარცხენა სანაპიროებს დააკავშირებდა. მინდა, ნარმანიას, რომელიც მინისტრია, და ასევე პრემიერ-მინისტრს, ყოველგვარი ნიშნის მოგების გარეშე შევთავაზო, რომ დაფიქრდნენ, კიდევ გავიაროთ კონსულტაციები და თუ ვინმეს ხიდის დიზაინი არ მოსწონს _ რადგან საუბარი იყო, რომ დიზაინი არ მოსწონთ და დაკიდებული ხიდი ძვირი ჯდება, ვთავაზობ, როგორი დიზაინიც უნდათ, ისეთი იყოს ხიდი. სამანქანო ხიდი სჭირდება ქალაქს. ყველა ურბანული თვალსაზრისით აუცილებელია, რომ დიდუბეს ჰქონდეს სამანქანო ხიდი, რათა ქალაქის ეს ნაწილი არ გაიჭედოს. გადავდოთ ყოველგვარი პოლიტიკური დაპირისპირება და დავიწყოთ მოლაპარაკება. მე არ მაქვს აკვიატებული იდეა დიზაინთან დაკავშირებით. ოღონდ იყოს ხიდი, რომელიც გამოიწვევს გაგარინის მონაკვეთის, ჟვანიას მოედნის და საბურთალოს სრულ განტვირთვას,” _ განაცხადა გიგი უგულავამ ბრიფინგზე.
ქალაქის მერი შს სამინისტროში მერიის ქონების მართვის სამმართველოს უფროსის დაბარებასაც შეეხო. დავით ჭედია დაკითხვაზე “მათე მოტორსის” დირექტორის განცხადების საფუძველზე დაიბარეს. თბილისის მერიას “მათე მოტორსის” კუთვნილი 1 600 კვმ მიწის ნაკვეთის იძულებით დათმობაში ადანაშაულებენ.
“როგორც ჩანს, “მათე მოტორსის” დირექტორს პროკურატურამ შეუჩხიკინა და ისიც უსინდისოდ ითხოვს ამ ნაკვეთის დაბრუნებასაც და ჩვენს მიერ ადგილმონაცვლეობის პრინციპით მიცემული 8 000 მეტრ კვადრატის ნაკვეთის დატოვებასაც. ეს ნაკვეთი იპოთეკაში ედო საქართველოს ბანკს, ჩვენ გამოვისყიდეთ და ბარკალაიას დავუთმეთ მასთან შეთანხმებით,” _ განაცხადა ქალაქის მერმა.
