მოპასუხეების _ აბაშის მუნიციპალიტეტის მოხელეთა საკონკურსო-საატესტაციო კომისიისა და აბაშის მუნიციპალიტეტის საკრებულოს საპრეტენზიო კომისიების მიმართ. დავის საგნად მითითებული იქნა აბაშის მუნიციპალიტეტის მოხელეთა საკონკურსო-საატესტაციო კომისიის თავმჯდომარის, დავით კაჭარავას მიერ დისკრიმინაციულ საფუძველზე შელახული ღირსების აღდგენა და ბოდიშის მოხდა. ასევე, საატესტაციო კომისიის მიერ 2012 წლის 31 დეკემბერს, მიღებული #3 გადაწყვეტილების – “გამგებლის ვაკანტურ თანამდებობაზე გამოცხადებულ კონკურსში მონაწილეობის თაობაზე შემოტანილი განცხადების” შესახებ ბათილად ცნობა და 2013 წლის 3 იანვარს მიღებული #4 გადაწყვეტილების “მოქალაქე გოჩა ჭანტურიას გამგებლის ვაკანტურ თანამდებობაზე დასანიშნად წარდგენის შესახებ” ბათილად ცნობა.
ლევან ჩიქოვანი, იურისტი: _ მე წარმოვადგენ გამგებლობის ერთ-ერთი კანდიდატის, რევაზ ხაბეიშვილის ინტერესებს. 2012 წლის 30 დეკემბერს რ. ხაბეიშვილმა კომისიის თავმჯდომარეს, დავით კაჭარავას წარუდგინა კონკურსში მონაწილეობის საბუთები, რომელსაც კაჭარავამ “მაკულატურა” უწოდა, ტელეფონით დაურეკა იურისტს, მაია ბესელიას, კიდევ გაიმეორა, გაეტარებინათ თუ არა აღნიშნული “მაკულატურა” კომისიის ჟურნალში და დასტურის მიღების შემდეგ გადასცა თავის მოადგილეს როლანდ შონიას. დავით კაჭარავამ მოახდინა ხაბეიშვილის დისკრიმინაცია პოლიტიკური შეხედულებების გამო, რადგან ეს უკანასკნელი იყო ბლოკი “ბიძინა ივანიშვილი – ქართული ოცნების” საარჩევნო შტაბის უფროსი, თვითონ კომისია კი დაკომპლექტებული იყო “ნაციონალური მოძრაობის” წევრებისაგან. გარდა ამისა, ჩვენ მოვითხოვთ გაბათილდეს აბაშის მუნიციპალიტეტის მოხელეთა საკონკურსო-საატესტაციო და საპრეტენზიო კომისიების მუშაობა. შევიტანეთ ადმინისტრაციული სარჩელი, მაგრამ გადაიგზავნა სამოქალაქოზე და როგორც იქნა, მივაღწიეთ იმას, რომ მოსამართლემ, ინდირა მარშალეიშვილმა ყოველგვარი ვადების დარღვევით გუშინ გამართა მოსამზადებელი სხდომა. სხდომას ესწრებოდა რევაზ ხაბეიშვილი და მისი ადვოკატები, მეორე მხრიდან კი საკრებულოს ახალი იურისტი ნინო კუპრეიშვილი, კომისიის თავმჯდომარე დავით კაჭარავა და საპრეტენზიო კომისიის თავმჯდომარე ზურაბ მხეიძე. სხდომა ჩანიშნული იყო 12 საათზე, მაგრამ გაიმართა 3 საათზე, რადგან მოპასუხე მხარეს არანაირი საბუთი აქ ჰქონდა წარმოდგენილი და მხეიძე პირადობის მოწმობის გარეშე გამოცხადდა სასამართლოში. პროცესის არსებითი განხილვა დაახლოებით 3-9 მარტის ჩათვლით მოხდება, იმ დროისთვის უკვე დაბარებული იქნებიან მოწმეებიც, მაგრამ საქმე იმაშია, რომ მოპასუხე მხარემ მოწმეებად ისევ კომისიების წევრები და საკრებულოს თანამშრომლები მოიწვია, მათ კი აუცილებლად უნდა იცრუონ კიდევ ერთხელ, ისე სიმართლე ჩვენს მხარეს იქნება და გამოაშკარავდება მათი დანაშაული.
– როგორ ფიქრობთ, რა შედეგით დასრულდება სასამართლო პროცესი?
– არ გვაქვს იმის იმედი, რომ მოსამართლე კანონიერ გადაწყვეტილებას მიიღებს. სასამართლო ჯერ კიდევ არ არის დამოუკიდებელი და სენაკის რაიონულ სასამართლოში ისევ ძველი კადრები არიან, მაგრამ ჩვენ მაინც ბოლომდე ვიბრძოლებთ. აქციებსა და ქუჩის გამოსვლებს ისევ კანონიერების ფარგლებში გვირჩევნია სიმართლის დადგენა. ამ სამართლებრივი გზით კიდევ ერთხელ ნახავს ყველა, როგორი უსუსურია საკრებულო–გამგეობის თავდაცვა და არაკანონიერია მათი გადაწყვეტილება. ჩვენ მაინც გავაგრძელებთ ბრძოლას კანონის ჩარჩოებში. არც ის ეგონათ, თუ სასამართლოში დაიბარებდნენ, მაგრამ დაიბარეს და პროცესი დაიწყო.
