ზოგადსაგანმანათლებლო სასწავლო პროცესში თანატოლებთან ერთად, რათა ასეთმა მოსწავლეებმა თავი საზოგადოების სრულფასოვან წევრებად იგრძნონ. ინკლუზიური განათლება ასევე გულისხმობს შეზღუდული შესაძლებლობების მქონე მოსწავლეების ინდივიდუალური ან მოდიფიცირებული სასწავლო გეგმებით სწავლებას.
ამ თემაზე “გურია ნიუსი” აბაშის პირველი საჯარო სკოლის დირექტორს, დოდო დოლიძეს ესაუბრა.
– როგორც ვიცით, თქვენს სკოლაშიც სწავლობს სპეციალური საგანმანათლებლო საჭიროების ბავშვი.
– ერთი მოსწავლეა. მას საკმაოდ მძიმე დიაგნოზი აქვს – გონებრივი ჩამორჩენა. ცნობა გაცემულია ფსიქონერვოლოგიური დისპანსერის მთავარი ექიმის მიერ. დაწყებით კლასებში ჰყავდა სპეციალურად მიმაგრებული მასწავლებელი, ახლა მე-5 კლასშია და დამოუკიდებლად სწავლა შეუძლია, ითვისებს ახალ მასალას, ოღონდ ძალიან ნელა. ხომ ძალიან მძიმე დიაგნოზი აქვს, მაგრამ ბავშვს არაფერი ეტყობა.
– ამ ბავშვთან მუშაობის ინდივიდუალური სასწავლო გეგმა გაქვთ?
– სამწუხაროდ, სპეციალური კვალიფიკაციის მასწავლებელი არ გვყავს. პედაგოგები მასთან გამარტივებული მეთოდით მუშაობენ. სპეციალური გეგმა დაწყებით კლასებში გვქონდა. ამისთვის საჭიროა პედაგოგის გადამზადება, მაგრამ ყველა მასწავლებელი დიდ ყურადღებას აქცევს და სხმარება მასალის ათვისებაში. მეც ვასწავლი ინგლისურ ენას. ჩემთან ძალიან მშვიდია, თუმცა, ამ ბოლო ხანებში აგრესიულობა დასჩემდა.
– ამხანაგებთან როგორი დამოკიდებულება აქვს?
– თვითონ ამხანაგების მიმართ ხანდახან აგრესიულია, მაგრამ კლასელები ეხმარებიან, კარგად ექცევიან და სწავლაშიც ეხმარებიან.
– კლასგარეშე ღონისძიებებში თუ არის ჩართული?
– სკოლა ყველაფერს აკეთებს იმისთვის, რომ ეს ბავშვი ინტეგრირებული იყოს საზოგადოებაში, ყველანაირად ვუწყობთ სასწავლო და კულტურულ ღონისძიებებში მის ჩართულობას ხელს. მასაც ძალიან უხარია _ ამბობს ლექსებს, ცდილობს არ ჩამორჩეს კლასელებს და ყველაფერს აკეთებს, რაც შეუძლია. ჩვენთან ყველაფერი კეთდება იმისთვის, რომ არ მოხდეს სწავლასთან დაკავშირებული სირთულეების გამო საგანმანათლებლო პროცესიდან გარიყვა.
