– სოფლის მეურნეობის სამინისტროს ფუნქციონირება დაემსგავსა კარჩაკეთილ უწყებას, რომელშიც მხოლოდ “დეგრადირებული” აზრის ირგვლივ გაერთიანებულები იყრიან თავს. სოფლის მეურნეობის მინისტრს სამოქალაქო საზოგადოებასთან კავშირი უჭირს და ის ამით საკუთარი უწყების ირგვლივ მხოლოდ შიშს თესავს. მიუხედავად იმისა, რომ დავით კირვალიძე პროფესიონალი კადრია ეს იმას არ ნიშნავს, რომ სოფლის მეურნეობის სამინისტროს ყველა უნდა მართავდეს. მოვუწოდებ მას, რომ დატოვოს მინისტრის თანამდებობა და მისცეს საშუალება აქტიურ ადამიანებს, რომლებსაც საზოგადოებასთან კავშირის დამყარება არ უჭირთ. სოფლის მეურნეობის მინისტრი სოფლის მეურნეობაში არსებული უმნიშვნელო პრობლემების მოგვარებას ვერ ახდენს _ ვგულისხმობ ვაუჩერების დარიგების პროცესს. რეგიონებში შექმნილია დამატებითი სიები და ვითომ, ამით სამინისტრო საჯარო რეესტრის მეშვეობით ახდენს მიწების მეპატრონეების იდენტიფიკაციას, ხოლო ამით აგრო ვადები გვიანდება. ამას ემატება აგრარული უნივერსიტეტის იგვლივ ატეხილი მთელი ამბავი. სოფლის მეურნეობის მინისტრს საზოგადოებისათვის სათქმელი აღარ დარჩა?!, _ აღნიშნავს ლომოური “გურია ნიუსთან” საუბრისას.
