„ბახმაროს საინიციატივო ჯგუფი“ სოციალურ ქსელში მორიგ განცხადებას ავრცელებს, რომელსაც „გურია ნიუსი უცვლელად გთავაზობთ:
“ბახმარო დაკარგავს ავთენტურობას, მის მრავალწლოვან ისტორიულ იერსახეს!
შექმნის პრეცენდენტს, რაც სამომავლოდ გახდება „გუდაურიზაციის“ და „ბაკურიანიზაციის“ წინაპირობა.
ამგვარი მასშტაბური მშენებლობები გაანადგურებს ბახმაროს უნიკალურ მიკროკლიმატს – ოდითგანვე ჩამოყალიბებულ სოციალურ ურთიერთობებს.
მასშტაბური მშენებლობები მკევთრად გააძვირებს კურორტზე დასვენებას. გაიზრდება ფასები პროდუქტებსა და მოსახურებაზე.
კურორტი გახდება ელიტური, მასზე ხელმისაწვდომობა საქართველოს მოქალაქისთვის შეუძლებელი გახდება.
პროექტს არ ახლავს გეოლოგიური კვლევა, რაც საშუალებას მოგვცემდა განგვესაზღვრა სტიქიური მოვლენების რისკები.
პროექტის ნაწილი მოქცეულია ზვავსაშიშ ზონაში.
პროექტს არ ახლავს გარემოზე ზემოქმედების დოკუმენტი (რა გავლენა ექნება პროექტს შიდა წყლის სისტემაზე, ფლორაზე, ფაუნაზე).
მკვეთრად გაიზრდება ავტომობილების რაოდენობა, რაც ერთის მხრივ გამოწვევს ჰაერის მასშტაბურ დაბინძურებას, ხოლო მეორეს მხრივ გააჩენს გადაადგილების პრობლემას.
კურორტზე მასშტაბური ტიპის მშენებლობები გამოიწვევს დასასვენებელი და სარეკრეაციო სივრცეების შეზღუდვას.
გააუარესებს კურორტზე დასვენების/ცხოვრების ხარისხს. კურორტზე გამართული კომუნალური ინფრასტრუქტურის (წყალმომარაგება, კანალიზაცია, ნარჩენების მართვა, შიდა საზოგადოებრივი ტრანსპორტი) არარსებობის პირობებში ამ მოცულობის კომპლექსის დამატება შექმნის დამატებით პრობლემებს წყლის სიმცირე, თხევადი ნარჩენების ჩადინება გრუნტში და მდინარეში, გადავსებული ბუნკერები და ა.შ.
საქართელოს გააჩნია 5 სამთო-სათხილამურო კურორტი. აქედან ოთხი (გუდაური, ბაკურიანი, მესტია, გოდერძი) წარმოადგენს „მრავალბინიანი კორპუსების“ ტიპს. ბახმარო უნდა შევინარჩუნოთ, როგორც განსხვავებული, ალტერნატიული საკურორტო სივრცე.
პროექტი საფრთხეს შეუქმნის მემთეურების ინსტიტუტს, რაც ბახმაროს იდენტობის განუყოფელი ნაწილია.
ბამარო წარმოადგენს მცირემიწიან დასახლებას, რაც არ ითვალისწინებს მრავალბინიან განაშენიანებას. კურორტის ამ სპეციფიკიდან გამომიდინარე, საქართველოს მთავრობის 2019 წლის 15 მაისის განკარგულებით ორბის 2029 წლამდე ეკრძალება მრავალბინიანი სახლების მშენებლობა. ეს პროექტი წარმოდგენილია, როგორც მრავალფუნქციური ობიექტი, მაგრამ რეალურად მოიცავს როგორც სასტუმროს ასევე ბინებს, რაც შეუსაბამოა ზემოთნახსენებ აკრძალვასთან
პროექტის შემუშავებაში არ იყო ჩართული
საზოგადოების დიდი ნაწილი. პროექტი შემუშავებულია მცირე ელიტური ჯგუფის მიერ”.
