“მე მინდა ჩვენი ამომრჩევლების გასაგონად ვთქვა რამდენიმე სიტყვა. ძალიან გაუგებარი აღმოჩნდა ბევრისთვის, რატომ უნდა მივცეთ “ქართულ ოცნებას” 10 ხმა, 5 ხმა, შვიდი ხმა… მე მივესალმები ზაქარია ქუცნაშვილის პათოსს, რომ არ არის მმართველი ძალა დაინტერესები “ნაციონალური მოძრაობის” დაშლით…” _ ასე დაიწყო თავისი გამოსვლა აკაკი ბობოხიძემ, რომელმაც ასევე ვრცლად ისაუბრა რიტორიკაზე.
“ბატონი ბიძინა ივანიშვილი ხშირად მოგვიწოდებს შევიცვალოთ რიტორიკა, რომელიც ვერ იქნება ვერანაირად ქვეყნისთვის დამღუპველი. ჩვენ არ გვაქვს გადაწყვეტილებების მიღების შესაძლებლობა. ჩვენს მიერ მიღებული გადაწყვეტილებები ქვეყნის გადაწყვეტილებას არ ნიშნავს, განსხვავებით თქვენგან, ამიტომ მოგიწოდებდით, რომ რიტორიკა შეცვალოთ სწორედ თქვენ. დღეს ამ მდგომარეობაში ვართ არა იმიტომ, რომ მნიშვნელოვანია ან უმნიშვნელო ის საკითხი, რომელიც დღის წესრიგში დგას. ერთის მხრივ ამბობთ, რომ მნიშვნელოვანია, მეორეს მხრივ ამბობთ, რომ არა, ეს მნიშვნელოვანი არ არის, ამას მნიშვნელობა აქვს მხოლოდ “ნაციონალური მოძრაობის” სახის საჩვენებლადო. რომ თურმე ჩვენ ამით ჩამოვიწმინდავთ რაღაც მნიშვნელოვან ცოდვებს, თურმე ჩვენი პირადი ცხოვრება იმისდა მიხედვით იქნება უზრუნველყოფილი, თუ როგორ გადაწყვეტილებას მივიღებთ დღეს ჩვენ. მინდა ყველას გასაგონად ვთქვა: არ ვაპირებ ბატონებო ჩემს წარსულზე უარის თქმას! ჩემი წარსული არის ჩემი ცხოვრების ნაწილი, არ ვაპირებ ბოდიში მოვიხადო არცერთი პოლიტიკური პირის და არცერთი პოლიტიკური ლიდერის წინაშე. თუ ჩვენს გვაქვს ვინმეს წინაშე ბოდიში მოსახდელი, ეს შეიძლება იყოს მხოლოდ დ ამხოლოდ ქართველი ხალხი და არავინ სხვა.
“ნაციონალური მოძრაობა” დღეს დგას დილემის წინაშე, ერთის მხრივ მიგვაჩნია, რომ საკითხი უნდა გავიდეს, მაგრამ მეორეს მხრივ სწორედ იმ რიტორიკის გამო, რომელიც პრობლემას ქმნის ქვეყნის შიგნით, რომელიც პრობლემას გიქმნით ევროპასთან, სწორედ თქვენი რიტორიკის გამო ხდება ეს და არა იმიტომ, რომ ბატონი გიორგი კანდელაკის მიერ მიწოდებული იქნა ცრუ ინფორმაციები.” _ განაცხადა აკაკი ბობოხიძემ.
