პრეზიდენტის ზოგიერთი ბრძანებულებები ძალადაკარგულად გამოცხადდება

ერთ-ერთი _ “საქართველოს პრეზიდენტის ბრძანებულების პროექტი “საქართველოს პრეზიდენტის ზოგიერთი ბრძანებულების ძალადაკარგულად გამოცხადების შესახებ”, რომელზეც მოხსენება სახელმწიფო დაცვის სპეციალური სამსახურის უფროსმა ანზორ ჩუბინიძემ გააკეთა.

“გურია ნიუსის” კითხვის შემდეგ, კონკრეტულად რა ბრძანებულებებზეა საუბარი, ჩუბინიძემ სახელმწიფო დაცვის სპეციალური სამსახურის უფროსის მოადგილესთან დავით ბესტავაშვილთან გადაგვამისამართა.

ბესტავაშვილმა “გურია ნიუსთან” განაცხადა: “როცა უწყებრივი დაქვემდებარება შეიცვალა 2013 წლის 18 იანვრის კანონით შესული ცვლილებების საფუძველზე, სახელმწიფო დაცვის სპეციალური სამსახური გადავიდა მთავრობის დაქვემდებარებაში. აქედან გამომდინარე, ის სამართლებრივი აქტები, რომელიც სახელმწიფო დაცვის სპეციალური სამსახურის ყოველდღიურ ფუნქციონირებას არეგულირებდა, უკვე უნდა დამტკიცდეს მთავრობის დადგენილებებით. ეს იყო შესაბამისობაში მოყვანა, რასაც ჩვენ გვავალებდა ამ კანონის გარდამავალი მე-3 მუხლის დათქმა, რომ აღმასრულებელი ხელისუფლების შესაბამისმა დაწესებულებებმა გამოსცენ სათანადო სამართლებრივი აქტები, ამ ცვლილების შეტანის საფუძველზე.

დღეს, მთავრობამ მიიღო ჩვენი წინადადება, რადგან ეს არის აუცილებელი სამართლებრივი აქტები, რის გარეშეც წარმოუდგენელია სამსახურის გამართული ფუნქციონირება.”