სოფლის კრების და პრიორიტეტების გამოვლენის პროცედურა

შეხვედრები მიმდინარეობს გეგმა-გრაფიკის მიხედვით, რომელშიც მონაწილეობის მიღება შეუძლია ნებისმიერ დაინტერესებულ პირს.

გაგაცნობთ “სოფლის მხარდაჭერის სახელმწიფო პროგრამის” ფარგლებში გასამართი სოფლის კრების და პრიორიტეტების გამოვლენის პროცედურას, რომელიც ყველა მოქალაქემ უნდა იცოდეს, რათა სოფლის კრებები გამართულად იქნეს ჩატარებული.

სოფლის კრებება

მას შემდეგ, რაც განისაზღვრება თითეული სოფლისათვის გამოყოფილი ფინანსების ოდენობა, იწყება თვითმმართველი ერთეულის რწმუნებულისა და მოსახლეობის აქტიური კომუნიკაციის ფაზა. ამ პერიოდისათვის რწმუნებულის კომპეტენციას განეკუთვნება დასახლების წინაშე არსებული პრობლემების განსაზღვა-სისტემატიზაციის კოორდინირება. პირველ რიგში, რწმუნებული აწყობს დასახლების ან უბნის წარმომადგენელთა საერთო კრებას. დიდი დასახლების შემთხვევაში შესაძლებელია იგი დაიყოს უბნებად. უბნების დაყოფას რწმუნებული ახდენს ისტორიულად ჩამოყალიბებული პირობითი საზღვრების მიხედვით. რწმუნებული ვალდებულია კრების ჩატარებამდე 5 დღის ადრე გამოაქვეყნოს ცნობა, სადაც მითითებული იქნება კრების ჩატარების დრო, ადგილი და განსახილველი საკითხები.

• არის თუ არა გამოქვეყნებული ცნობა და რამდენად დაცულია გამოქვეყნების პერიოდი?

უნდა შემოწმდეს სოფლის/დასახლების ტერიტორიაზე განთავსებულია თუ არა საინფორმაციო დაფა (დაფები) სადაც გამოქვეყნებულია ცნობა, დადგინდეს ცნობის გამოქვეყნებისა და საერთო კრების ჩატარების თარიღებს და მათ შორის შუალედებს, ინტერესდება, რამდენად დაცულია მინიმუმ 5 დღიანი ინტერვალი;

• რამდენად თვალსაჩინო ადგილზე არის ცნობა გამოქვეყნებული და რამდენად სრულყოფილი ინფორმაციაა მოცემული?

უნდა მოხდეს დაკვირვება ცნობის განთავსების ადგილი, მოსახლეობისათვის რამდენად თვალსაჩინო ადგილას არის განთავსებული. აღნიშნულია თუ არა მასზე ზუსტი და კონკრეტული ინფორმაცია? შესაძლებელია მაცხოვრებელთა გამოკითხვაც: აქვთ თუ არა მათ ინფორმაცია აღნიშნულ ცნობასთან დაკავშირებით? ჰქონდათ თუ არა საშუალება, წაეკითხათ იგი და მიეღოთ გარკვეული ინფორმაცია?

სოფლის/დასახლების პირველი კრების ჩატარება

დასახლების პირველ კრებაზე ვლინდება ძირითადი საჭიროებები, ხდება მათი კორექტირება და ძირითადი პრიორიტეტების შერჩევა. დასახლების საერთო კრება მოიწვევა თვითმმართველი ერთეულის რწმუნებულის ინიციატივით. ასევე, თუ ამას ითხოვს დასახლების წარმომადგენლთა ნახევარზე მეტი. ამ შემთხვევაში რწმუნებული ვალდებულია საერთო კრება მოიწვიოს მოთხოვნიდან 10 დღის ვადაში. საერთო კრებაზე გადაწყვეტილება მიიღება ღია კენჭისყრით, სხდომაზე დამსწრეთა უმრავლესობით. კენჭისყრაში მონაწილეობას არ ღებულობენ რწმუნებული და სხდომაზე დამსწრე საკრებულოს და გამგეობის წარმომადგენლები. კრების მონაწილეთა აღრიცხვას და კრების ოქმის შედგენას უზრუნველყოფს რწმუნებული. ოქმი წაკითხული უნდა იქნეს კრებაზე და მას ხელს უნდა აწერდეს რწმუნებული და კრების არანაკლებ 3 მონაწილე. პირველ კრებაზე რწმუნებული დასახლების უბნების პროპორციულად ირჩევს არანაკლებ 3 წარმომადგენელს. წარმომადგენლების შერჩევის შემდეგ ეწყობა მხოლოდ წარმომადგენელთა საერთო კრება.

• გახორციელდა თუ არა მონაწილეთა რეგისტრაცია საერთო კრებაზე?

უნდა მოხდეს დაკვირვება კრების მიმდინარეობს პროცესზე, კერძოდ – ხორციელდება თუ არა მონაწილეთა რეგისტრაცია შესაბამისი ფორმის მიხედვით. შესაძლებლობების შემთხვევაში დათვლილ უნდა იქნეს კრების მონაწილეთა რაოდენობა და სიაში დაფიქსირებულ მონაწილეთა რაოდენობას.

• საერთო კრებაზე დაცულია თუ არა ღია კენჭისყრისა და მოქალაქეთა ჩართულობის პრინციპი?

უნდა მოხდეს დაკვირვება კრების მიმდინარეობის პროცესზე, კერძოდ – კენჭისყრის ჩატარების მეთოდი. რამდენად დაცულია ღია კენჭისყრის პრინციპი გადაწყვეტილების მიღების დროს. რამდენად ჩართული არიან კრების მონაწილეები და ხომ არ ხდება გადაწყვეტილებების ერთპიროვნულად ან რამდენიმე პირის შეთანხმების საფუძველზე მიღება? მიეცათ თუ არა მაცხოვრებლებს საკუთარი აზრებისა და იდეების დაფიქსირების საშუალება? ხომ არ იღებდნენ კენჭისყრაში მონაწილეობას თვითმმართველი ერთეულის რწმუნებული და სხდომაზე დამსწრე საკრებულოს და გამგეობის წარმომადგენლები?

• საერთო კრებაზე მოხდა თუ არა უბნების წარმომადგენლების არჩევა?

უნდა მოხედს დაკვირვება დასახლების უბნების წარმომადგენლთა შერჩევაზე, რომელიც ასევე ღია კენჭისყრის საფუძველზე უნდა მოხდეს. ასევე: გათვალისწინებულ იქნა თუ არა კრებაზე დამსწრე მოსახლეობის აზრი წარმომადგენელთა შერჩევისას? მოხდა თუ არა წარმომადგენელთა შერჩევა უბნების პროპორციულად?

• შეივსო თუ არა კრების ოქმი?

უნდა მოხდეს დაკვირვება შეივსო თუ არა კრების დასასრულს ოქმი, მოხდა თუ არა შევსებული ოქმის წაკითხვა კრებაზე? მოაწერა თუ არა ხელი კრების ოქმს დამსწრეთა სულ ცოტა სამმა მონაწილემ?

მოსახლეობის გამოკითხვა

დასახლებათა პრიორიტეტების დადგენის დამატებით ფორმას წარმოადგენს მოსახლეობის გამოკითხვა, რომელიც შეიძლება განხორციელდეს თვითმმართველი ერთეულის წმუნებულის ინიციატივით ან საერთო კრების გადაწყვეტილებით. მოსახლეობის გამოკითხვა ტარდება “დასახლების საჭიროებების განსაზღვრისა და პრიორიტეტების დადგენის ინსტრუქციის” შესაბამისად. გამოკითხვის ჩატარებისას, გამოკითხულ უნდა იქნას დასახლების მაცხოვრებელთა არა ნაკლებ 1/3. რწმუნებული ვალდებულია გამოკითხვის ჩატარების ფორმა და ფორმის შევსების ინსტრუქცია გამოაქვეყნოს გამოკითხვის დაწყებამდე 3 დღით ადრე.

გამოკითხვის დაწყებიდან დასრულებამდე გამოკითხვის ფორმა ხელმისაწვდომი უნდა იყოს დასახლების ყველა მაცხოვრებლისათვის, რწმუნებულის შენობაში. რწმუნებული ასევე იყენებს გამოკითხვის “კარდაკარ” პრინციპს.

გამოკითხვისას რესპოდენტი შესაბამის ფორმაში მოცემულ პრიორიტეტებს აფასებს 0 დან 10 ქულამდე. მაქსიმალური ქულით შესაძლებელია შეფასდეს როგორც ერთი, ისე რამდენიმე პრიორიტეტი. რესპოდენტს შეუძლია საკუთარი შეხედულებისამებრ ჩაამატოს პრიორიტეტები. რესპოდენტი (დასახლების მაცხოვრებელი) ვალდებულია ფორმის შევსებისას მიუთითოს სახელი და გვარი, მისამართი, შევსების თარიღი და დაადასტუროს ხელმოწერით, ასევე მოცემულ ფორმაზე ხელი უნდა მოაწეროს ინტერვიუერმა (გამოკითხვის ჩამტარებელმა პირმა).

გამოკითხვის ჩატარება უნდა დასრულდეს 1 კვირის ვადაში, რის შემდეგაც რწმუნებული აჯამებს მონაცემებს და გამოკითხვის დასრულებიდან 5 დღის ვადაში აქვეყნებს შედეგებს, ამასთან საბოლოო შედეგებს უგზავნის მუნიციპალიტეტის გამგებელსა და საკრებულოს.

ინფორმაციის გამოქვეყნება:

“სოფლის მხარდაჭერის სახელმწიფო პროგრამაში” სოფლის/დასახლების მაცხოვრებელთა ჩართულობის მიზნით თვითმმართველი ერთეულის რწმუნებული ვალდებულია დასახლებაში მოაწყოს საინფორმაციო დაფა და მათზე გამოაქვეყნოს შემდეგი ინფორმაცია შესაბამისი დროითი ინტერვალების დაცვით, კერძოდ:

• დასახლების უბნების დასახელება და საზღვრები – არა უგვიანეს 1 მარტისა;

• დასახლების წინაშე არსებული პრობლემებისა და ამ პრობლემების გადასაწყვეტად საჭირო სავარაუდო ღონისძიებათა ჩამონათვალი – არაუგვიანეს 1 მარტისა;

• ცნობა დასახლების, დასახლების უბნის წარმომადგენელთა საერთო კრების ჩატარების დღის წესრიგის, დროისა და ადგილის შესახებ – საერთო კრების ჩატარებამდე 5 დღით ადრე;

• საერთო კრებაზე დასახელებული პრიორიტეტები – კრების ჩატარებიდან 5 დღის ვადაში;

• ცნობა მოსახლეობის გამოკითხვის ჩატარების შესახებ, აგრეთვე გამოკითხვის ფორმა და მოკლე ინსტრუქცია – გამოკითხვის ჩატარებიდან 3 დღით ადრე;

• მოსახლეობის გამოკითხვის შედეგები – გამოკითხვის დამთავრებიდან 5 დღის ვადაში;

• ცნობა თვითმმართველი ერთეულის პრიორიტეტების დოკუმენტსა და თვითმმართველი ერთეულის ბიუჯეტის პროექტზე, აგრეთვე ბიუჯეტის შესრულების ანგარიშზე საკრებულოს კომისიის და საკრებულოს სხდომის ჩატარების დროისა და ადგილის შესახებ – სხდომის ჩატარებამდე 7 დღით ადრე;

• “სოფლის მხარდაჭერის სახელმწიფო პროგრამით”, ადგილობრივი ბიუჯეტით თუ ინვესტიციებით დაგეგმილი, დასახლებაში განსახორციელებელი ღონისძიებები, მათი დაწყებისა და დამთავრების სავარაუდო ვადის მითითებით – დაგეგმილი ღონისძიების დამტკიცებიდან 1 თვის ვადაში.

დანართი N1 – საერთო კრებაზე მონაწილე პირთა რეგისტრაციის ფორმა

თვითმმართველი ერთეულის რწმუნებული ———————————————

(ხელმოწერა) (სახელი,გვარი)

დანართი N2 – საერთო კრების ოქმი N

მუნიციპალიტეტის დასახელება: ____________________

სოფელი, თემი, დაბა: ____________________

კრების ჩატარების თარიღი: ______________

დღის წესრიგი

1.

2.

3.

1. საკითხის დასახელება

____________________________________________________________

განხილული საკითხის აღწერა:

დამსწრეთა მოსაზრებები:

მიღებული გადაწყვეტილება/კონსესუსი

2. საკითხის დასახელება

____________________________________________________________

განხილული საკითხის აღწერა:

დამსწრეთა მოსაზრებები:

მიღებული გადაწყვეტილება/კონსესუსი

3. საკითხის დასახელება

____________________________________________________________

განხილული საკითხის აღწერა:

დამსწრეთა მოსაზრებები:

მიღებული გადაწყვეტილება/კონსესუსი

თვითმმართველი ერთეულის რწმუნებული ____________________/ /

(ხელმოწერა) (სახელი, გვარი)

კრებაზე მონაწილე პირები ____________________/ /

(ხელმოწერა) (სახელი, გვარი)

____________________/ /

(ხელმოწერა) (სახელი, გვარი)

____________________/ /

(ხელმოწერა) (სახელი, გვარი)