ჩოხატაურის მუნიციპალიტეტის სოფელ ჯვარცხმაში მცხოვრებლებს დახმარება სჭირდებათ.
“ძალიან ცუდ დღეში ვართ, ვის მიმართო, დამაკვალიანეთ, რომ ცენტრალურ გზამდე გზა გაკვიკვალოს! ცხრა თვის ბავშვი მყავს. მოხუცები არიან ჩვენ კუთხეში. მეშინია, ექიმი რო დამჭირდეს, ან საავადმყოფო, როგორ მივიდე.
ხომ არ იცით, მოხალისეები რომ ეხმარებიან, როგორ დავუკავშირდე, მარტო გზის გაკვალვა გვინდა. გთხოვთ, თუ არის რამე საშუალება დახმარების, გამომაქვეყნებინეთ. გზა მაინც გათოვლონ. ბოდიში, რომ გწერთ, სხვა გზა არ მაქვს.
სოფელ ჯვარცხმაში, კონკრეტულად, “წყალკანალის” წინ ვცხოვრობ. საერთოდ გაუკვალავია გზა 5 დღეა.
გაჭირვებული გვყავს გვერდზე მეზობელი, ლოგინად ჩაწოლილი, ნებისმიერ დროს შეილება დასჭირდეს სასწრაფო, _ გვწერს რომან ბოლქვაძის მეუღლე, მადონა ენუქიძე.
გურია ნიუსი დაუკავშირდა მერის წარმომადგენელს სოფელ ჯვარცხმაში, თამაზ ჩხიკვაძეს დაუკავშირდა.
თამაზ ჩხიკვაძის თქმით, დღეს ელოდება ტექნიკას გზის გასაწმენდად.
“რთული მდგომარეობა გვაქვს. დღეს ველოდები ტრაქტორს, დამპირდნენ, 30 კმ. შიდა გზების გასუფთავებას”.
ჩვენს კითხვაზე, არის თუ არა სოფელში ზარალი, ჩხიკვაძე გვპასუხობს, რომ რამდენიმე სახლი დაზიანდა.
“დაზიანდა რამდენიმე სახლი. საბედნიეროდ, არავინ დაშავებულა. ჩემი სათბური მიწასთანაა გასწორებული.
სოფელში მიცვალებული გვყავს. ხუთშაბათს უნდა დაგვესაფლავებინა, მაგრამ გადადეს შაბათამდე. ინტაბუეთის სასაფლაომდე ძნელია მისვლა. სტიქიაა, _ გვითხრა მერის წარმომადგენელმა სოფელში.
