ამის შესახებ ინფორმაციას ფინანსთა სამინისტრო ავრცელებს.
სამინისტროს ცნობით, 2013 წლის პირველი კვარტლის ნაერთი ბიუჯეტის საგადასახადო შემოსავლებმა 63,5 მლნ ლარით გადააჭარბა 2012 წლის ანალოგიურ მაჩვენებელს.
2013 წლის მარტში ნაერთი ბიუჯეტის საგადასახადო შემოსავლების კუთხით მობილიზებულია 745.5 მლნ ლარი, რაც 41.5 მლნ ლარით აღემატება 2012 წლის მარტის მონაცემებს. საგადასახადო შემოსავლების კუთხით ზრდა გასულ წელთან შედარებით დაფიქსირდა ასევე მიმდინარე წლის იანვარსა და თებერვალში.
თებერვალში მობილიზებულმა თანხამ შეადგინა 408.3 მლნ ლარი, რაც 12.0 მლნ ლარით აღემატება 2012 წლის თებერვლის მაჩვენებელს. იანვარში საგადასახადო შემოსვლებმა შეადგინა 461.8 მლნ ლარი, 2012 წლის იანვარში ამ კუთხით მობილიზებული თანხა 451.7 მლნ ლარია, მატება შეადგენს 10.1 მლნ ლარს.
2013 წლის პირველ კვარტალში ნაერთი ბიუჯეტის საგადასახადო შემოსავლების კუთხით მობილიზებულია 1 615.5 მლნ ლარი, რაც 2012 წლის ანალოგიურ მაჩვენებელს 63,5 მლნ ლარით აღემატება.
2012 წლის ანალოგიურ მაჩვენებელს 55,3 მლნ ლარით აღემატება მიმდინარე წლის იანვარ-მარტში სახელმწიფო ბიუჯეტის საგადასახადო შემოსავლებიც, რომელმაც 1 553,5 მლნ ლარი შეადგინა.
_ კვლავ დადებითი ტენდენციაა საკონტროლო-სალარო აპარატებით გამოწერილი ჩეკების რაოდენობისა და ამ კუთხით ბიუჯეტში მობილიზებული თანხების მიმართულებით. 2013 წლის მარტში – 71,875, 232 ცალი – 2012 წლის მარტში – 68,917,607-ცალი; 2013 წლის თებერვალში – 61, 034, 985 ცალი – 2012 წლის თებერვალში – 59, 120,191 ცალი; 2013 წლის იანვარში – 63,846,271 ცალი – 2012 წლის თებერვალში – 37,616, 560 ცალი; 2013 წლის პირველ კვარტალში გამოწერილი ჩეკების რაოდენობამ შეადგინა 196, 756 488 ცალი, რაც დაახლოებით 32 მლნ ლარით მეტია 2012 წლის პირველი კვარტლის მონაცემებთან, _ აღნიშნულია სამინისტროს მიერ გავრცელებულ ინფორმაციაში.
საკონტროლო-სალარო აპარატებით ამორტყმული ჩეკების მიხედვით გადახდილი თანხის ოდენობა 2013 წლის პირველ კვარტალში შეადგენს 3,683 მლნ ლარს, ხოლო 2012 წლის ანალოგიურ პერიოდში – 2,866 მლნ ლარს.
_ 2013 წლის სამ თვეში გასული წლის ანალოგიურ პერიოდთან შედარებით გაზრდილია ექსპორტის მაჩვენებელი და შეადგენს 398 მლნ აშშ დოლარის ექვივალენტს ლარებში, რაც 16 მლნ დოლარით აღემატება 2012 წლის პირველი კვარტლის მონაცემებს, _ აღნშნავს სამინისტროს პრესსამსახური.
2013 წლის I კვარტალში საქართველოს ნაერთი ბიუჯეტის პროფიციტმა წინასწარი მონაცემებით 180,5 მლნ ლარი შეადგინა (სსფ-სთან შეთანხმებული კლასიფიკაციით GFSM-1986) 2012 წლის ანალოგიური მაჩვენებელი 168,8 მლნ ლარით განისაზღვრა.
_ ბიუჯეტის შესრულებისა და მაკროეკონომიკური პარამეტრების პოზიტიური მაჩვენებლები ადასტურებს, რომ ქვეყანაში გაუმჯობესებულია ეკონომიკური გარემო, გაზრდილია ბიზნესაქტივობა, მათ შორის, მცირე და საშუალო საწარმოთა ბრუნვა. პირველი კვარტლის მონაცემები მიუთითებს, რომ 2013 წლის ბიუჯეტის შესრულებას არანაირი პრობლემა არ შეიქმნება და მთავრობა შეასრულებს აღებულ ვალდებულებებს, _ აღნიშნულია ფინანსთა სამინისტროს მიერ გავრცელებულ ინფორმაციაში.
