_ ძალიან ბევრი მირეკავს და მეუბნება წასვლასთან დაკავშირებით, გვეყოლება სამარშრუტო ტაქსი, რომელიც გაჩერდება ჩვენს ოფისთან. თუმცა, ძალიან ბევრი ადამიანი მიდის საკუთარი მანქანით, ძალიან ბევრი მატარებლით, დაახლოებით გურიიდან 1000 კაცზე მეტი წამსვლელია. ეს არის სოლიდური რაოდენობა.
_ ბატონო მიხეილ, ვინ არიან ეს ადამიანები, საჯარო მოხელეები, სამსახურიდან გათავისუფლებულები თუ ყოფილი რწმუნებულები?
_ არ გამოვრიცხავ, წამსვლელი არის ყველა ტიპის ადამიანი, იქნებიან ბიზნესმენებიც, მათ რომლებსაც სამშობლოსთვის უძგერთ გული და არ უნდათ, რომ ისევ რუსებს უწმინდონ ჩექმები. ჩვენ გვინდა ევროპული ღირებულებანი და “არა რუსეთს!”
_ დღეს, “ნაციონალური მოძრაობის” ლიდერმა ვანო მერაბიშვილმა განაცხადა, რომ რეგიონებში დაბლოკილია სამარშრუტო ტაქსები, მიმდინარეობს ზეწოლა ადამიანებზე, თქვენ რა ინფორმაციას ფლობთ ამასთან დაკავშირებით, აქვს თუ არა ადგილი ოზურგეთში მსგავს ფაქტებს?
_თავისთავად არის რაღაც ხელშემშლელი მიზეზები და იქნება კიდეც იმ დღისთვის. ძალიან ბევრ ადამიანს აქვს სურვილი წამოსვლის, მაგრამ ეშინიათ.
_ რისი?
_ ვერ დაგიკოკრეტებთ, იმიტომ რომ ვერ მეუბნებიან რისი ეშინიათ. აქვთ რაღაც ფსიქოლოგიურად შინაგანი შიში, თუმცა სურვილიც არის დიდი. მათი ვარაუდია, რომ შეიძლება დაარბიონ აქცია, ან შეიძლება გზაში შეემთხვათ რაიმე, არ ვიცი წინასწარ. თავდაპირველად ჩაგვეწერენ სიაში და მერე უარი გვითხრეს, ასეთებიც იყვნენ, ეს იმის ნიშანია, რომ ამ ადამიანებზე ზეწოლა განხორციელდა.
_ბატონო მიხეილ, ჩვენ გვაქვს ასევე ინფორმაცია, რომ აქციაზე წამსვლელებს 200 ლარით დააფინანსებენ, … ამასთან დაკავშირებით რას გვეტყვით?
_არ გვაქვს ჩვენ მაგის ფუფუნება რომ ადამიანებს ფული დავურიგოთ, თუმცა ტრანსპორტირებით უზრუნველყოფილნი იქნებიან, მოვემსახურებით _ გვითხრა მიხეილ გოგოტიშვილმა.
