ოზურგეთის ალ. წუწუნავას სახელობის სახელმწიფო დრამატულ თეატრში რეპეტიციები მიმდინარეობს _ რეჟისორმა ოთარ კუტალაძემ ამჯერად არჩევანი შეაჩერა თამაზ მეტრეველის პიესაზე _ “შეშლილი, შეშლილი, ახალი წელი”. სპექტაკლის მხატვრობა ეკუთვნის სცენოგრაფ თამაზ დარჩიას, მუსიკალური გამფორმებელი თორნიკე სურგულაძეა. სპექტაკლში თეატრის წამყვანი მსახიობები მონაწილეობენ: ბელა კიკვაძე, ლია მარტიაშვილი, თამარ მდინარაძე, თეა კეჭაყმაძე, გიორგი დოლიძე, გენადი ნიკოლაიშვილი.
სპექტაკლი ერთი ოჯახის ამბავს ასახავს და მაყურებელს ბევრ რამეზე დააფიქრებს. მაგალითად, იმაზე, რომ ადამიანები ერთმანეთს უნდა გაუფრთხილდნენ, რადგან გაფრთხილებისა და პატივისცემის გარეშე, შეიძლება, ერთმანეთი დაკარგონ.
